ۇستىمىزدەگى جىلدىڭ 22 اقپانىندا الماتى قالاسى قازاقستان رەسپۋبليكاسىنىڭ ۇلتتىق كىتاپحاناسىندا  قازاق ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا جانىنداعى ورفوگرافيالىق جۇمىس توبىنىڭ كەزەكتى ءماجىلىسى ءوتتى. ءماجىلىس قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتىنىڭ ءتوراعاسى، ورفوگرافيالىق جۇمىس توبىنىڭ ءتوراعا ورىنباسارى ق.ق. بوراشيەۆ مىرزانىڭ توراعالىعىمەن جانە    ش. شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭ اتقارۋشى ديرەكتورى ە.ە. تىلەشوۆتىڭ مودەراتورلىعىمەن ءوتتى.

كۇن تارتىبىندە قازاق ءتىلىن لاتىن گرافيكاسىنا 2025 جىلعا دەيىن كەزەڭ-كەزەڭىمەن كوشىرۋ جونىندەگى جوسپارىنا سايكەس ورفوگرافيالىق جۇمىس توبىنىڭ ءىس-شارالارى تۋرالى ماسەلە قارالدى. بۇل ماسەلە بويىنشا وتىرىس ءتوراعاسى ق.ق. بوراشيەۆ مەكتەپ وقۋلىقتارىن قايتا شىعارۋ، ولارعا ساراپتاما جاساۋ، ورفوگرافيالىق، ورفوەپيالىق سوزدىكتەر، انىقتاعىشتار، توپونيميكالىق، انتروپونيميكالىق سوزدىكتەردىڭ قولجازباسىن شىعارۋ كوزدەلىپ وتىرعاندىعىن اتاپ ءوتتى.

ەكىنشى ماسەلە بويىنشا ءماجىلىس مودەراتورى ە.ە. تىلەشوۆ مىرزا بەكىتىلگەن ءىس-شارالار جوسپارىندا بيىلعى جىلى ورتولوگيالىق قۇرالدار ازىرلەۋ كوزدەلگەندىكتەن جۇمىس توبىنىڭ قۇرامىن عالىمدارمەن تولىقتىرۋ قاجەتتىلىگىنە وراي  جۇمىس توبىنىڭ جاڭا قۇرامى مەن 2019 جىلعا ارنالعان جۇمىس جوسپارىمەن  تانىستىردى. جۇمىس توبىنىڭ قۇرامىندا ءتوراعا، ءتوراعا ورىنباسارى،  حاتشى جانە ا.بايتۇرسىنوۆ اتىنداعى ءتىل ءبىلىمى ينستيتۋتىنىڭ ديرەكتورى ە. ز. قاجىبەك مىرزا باستاعان بەلدى عالىمدار مەن الماتى، استانا قالالارى مەن ايماقتىق جوعارى وقۋ ورىندارىنىڭ پروفەسسورلارى مەن دوسەنتتەرى قامتىلعان 24 مۇشەسى بار ەكەندىگى ايتىلدى.

كەلەسى ماسەلەدە ش.شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭ ورفوگرافيا ءبولىمىنىڭ باسشىسى ا. فازىلجانوۆا مەن ا.بايتۇرسىنوۆ اتىنداعى ءتىل ءبىلىمى ينستيتۋتىنىڭ ءتىل مادەنيەتى ءبولىمىنىڭ مەڭگەرۋشىسى ق.كۇدەرينوۆا ەملە ەرەجەلەرىن ناسيحاتتاۋعا ارنالعان ادىستەمەلىك ونىمدەردى ازىرلەۋگە جاۋاپتى تۇلعالار مەن ولاردىڭ ورىندالۋ مەرزىمىمەن تانىستىرىپ شىقتى. بۇل باعىتتاعى ونىمدەردىڭ قۇرامىندا جوو ستۋدەنتتەرىنە ارنالعان جاڭا ەملە ەرەجەلەرىن يگەرتۋگە ارنالعان ادىستەمەلىك نۇسقاۋلىق؛ رەسمي-ىس قاعازدارىنىڭ نۇسقاۋلىعى؛ جارناما ماتىندەرىنە قاجەتتى ەملە نۇسقاۋلىعى؛ كوپشىلىككە ارنالعان ەملە ەرەجەلەرىن تۇسىندىرەتىن قىزىقتى انىقتاعىش؛ وبلىس، قالا، اۋدان ەرگونيمدەردىڭ، ماڭدايشالاردىڭ كيريل-لاتىن الىپبيىندەگى پاراللەل انىقتامالىقتارى قامتىلعان.

وتىرىستا قارالعان ماسەلەلەر ءبىراۋىزدان قولداۋ تاۋىپ، قاۋلىلارمەن بەكىتىلدى.  

ل.ت. الىمتايەۆا

ءال-فارابي اتىنداعى قازۇۋ-دىڭ
دوسەنتى، فيلول.ع.ك.