جۇكسالعىشىنان بۋما-بۋما اقشا مەن وق ءدارى، تراۆمات تابىلعان مودەلدەگى Toyota Camry اۆتوكولىگى تالدىقورعان اكىمى داستان شالتابايەۆتىڭ بالاسىنا تيەسىلى ەكەنى راستالدى.

ايتا كەتۋ كەرەك، ناۋرىز اياعىنىڭ سوڭىندا جول-كولىك پوليسياسى شەتەلدىك ماركاداعى كولىكتى توقتاتادى. كولىك تىزگىنىندە اكىمنىڭ ۇلىنىڭ دوسى بولعان. 055 QQQ 05 نومەرىن تاعىپ، تەرەزەلەرىن قاراڭعىلاعان كولىك پوليسيا قىزمەتكەرلەرىنىڭ كوڭىلىنە كۇدىك سالسا كەرەك. ءبىراق كولىك ىشىندە اكىمنىڭ بالاسى تۇرلىحان تۇراربەك بولماعان. ول ساباقتا وتىرعاندا ا. ءشارىپوۆ، ن. ماقۇل جانە س. بەيسەن ەسىمدى دوستارى كوڭىل كوتەرمەك بولعان سىڭايلى. 

تەكسەرىس بارىسىندا ءبىرقاتار زاڭسىز دۇنيەلەر تابىلىپ، تاركىلەنگەن. ولاردىڭ بارلىعى ن. ماقۇل ەسىمدى جاسوسپىرىمگە تيەسىلى بولسا كەرەك-مىس. ويتكەنى، وسى ازاماتتىڭ تاراپىنا ق ر قك 287 بابىنىڭ 2-تارماعى بويىنشا (زاڭسىز قارۋ، جارىلعىش زاتتار تۇتىنۋ، تاسىمالداۋ) ءىس قوزعالىپ، سوتقا دەيىنگى تەرگەپ-تەكسەرۋ ارەكەتى جۇرگىزىلۋدە. 

ءقازىر تالدىقورعاننىڭ ەكس-اكىمى داستان شالابايەۆ جاڭا قىزمەتكە اۋىستى. اكىمدىكتەن كەتكەن ول «قورعاس» شەكارا ماڭى ىنتىماقتاستىعىنىڭ حالىقارالىق ورتالىعىنا جۇمىسقا ورنالاستى. قىزمەتتىك تەكسەرۋلەر ونىڭ ەشقانداي قۇقىق بۇزۋشىلىققا بارماعانىن دالەلدەدى.