يندونەزيانىڭ سايلاۋ كوميسسياسىندا جۇمىس ىستەيتىن 92 قىزمەتكەر داۋىستاردى ساناۋ بارىسىندا زورىعىپ قايتىس بولدى. بۇدان بولەك 374 ادام ءدال وسى سەبەپپەن اۋرۋحاناعا تۇسكەن. مەملەكەتتىڭ ورتالىق سايلاۋ كوميسسياسىنىڭ ءتوراعاسى اريف بۋديمان دۇنيەدەن وزعان جانە زارداپ شەككەن قىزمەتكەرلەردىڭ وتباسىنا 2،1-2،5 مىڭ دوللار كولەمىندە وتەماقى تولەۋدى ۇسىندى.

بۋديماننىڭ ايتۋىنشا، مۇنشا ادام ولىمىنە سايلاۋداعى داۋىستاردى ساناۋ بارىسىنداعى زورىعۋ سەبەپ بولعان. كوپتەگەن سايلاۋ ۋچاسكەلەرىندە ادامدار تاۋلىكتەن اسا ۋاقىت ءۇزىلىسسىز جۇمىس جاساعان. سايلاۋ كوميسسياسىنداعى قىزمەتكەرلەردى زورىقتىرا جۇمىسقا جەگۋدىڭ دارەجەسىن تومەندەتۋگە ۋادە بەرىلدى.

زورىعۋ سەبەبىمەن دۇنيەدەن وتكەندەر اراسىندا 15 پوليسيا قىزمەتكەرلەرى دە بار. قۇقىق قورعاۋ ورگاندارىنىڭ مۇشەلەرى سايلاۋدان كەيىنگى جول-كولىك وقيعالارىمەن اينالىسۋدا قازا تاپقان.

"قازا تاپقانداردىڭ كوپشىلىگى شىعىس كاليمانتاندە، سولتۇستىك سۋماتردە، شىعىس نۋس-تەنگاردە، باتىس ياۆادا، وڭتۇستىك كاليمانتاندە، شىعىس ياۆادا، باتىس نۋس-تەنگاردا، دجاكارتە مەن وڭتۇستىك سۋلاۆەسيدە"، - دەدى يندونەزيا پوليسيا شتابىنىڭ باسپا ءسوز حاتشىسى دەدي پراسەتيو.

يندونەزيا پرەزيدەنتى دجوكو ۆيدودو قازا تاپقانداردىڭ وتباسىنا قايعىرىپ كوڭىل ايتتى. سونىمەن قاتار، دۇنيەدەن وتكەندەردى "دەموكراتيا جولىنداعى جاۋىنگەرلەر" دەپ اتادى.

ەسكە سالا كەتەيىك، يندونەزياداعى پرەزيدەنت سايلاۋى 17-ساۋىردە ءوتتى. ەلدە پرەزيدەنتتى، پارلامەنتتىڭ ەكى پالاتاسىنىڭ دەپۋتاتتارىن، پروۆينسيالار مەن وكرۋگتەردەگى قۇقىق قورعاۋ ورگاندارىنىڭ مۇشەلەرىن سايلادى. 800 مىڭنان استام سايلاۋ ۋچاسكەسى جۇمىس جاساپ، حالىقتىڭ 82 پايىزى سايلاۋعا قاتىستى. يندونەزيادا داۋىس بەرۋ مۇمكىندىگى بار حالىقتىڭ سانى – 192 ميلليون ادام. رەسمي قورىتىندى 22-مامىرعا دەيىن جارىق كورۋى ءتيىس.