بۇگىن ەلورداداعى "نۇر-وتان" پارتياسىندا ق ر اقپارات جانە قوعامدىق دامۋ ءمينيسترى داۋرەن ابايەۆ قوعامدىق قابىلداۋ وتكىزدى دەپ جازادى Qamshy.kz اقپارات اگەنتتىگى baq.kz سايتىنىڭ دەرەگىن نەگىزگە الىپ. 

جيىن بارىسىندا الماتىدان ونلاين قوسىلعان تانىمال جۋرناليست بيبىگۇل داۋلەتبەك قىزى 7-ارنادا كۇندەلىكتى تىكەلەي ەفيردە شىعاتىن "ءوز ويىم" باعدارلاماسىن جابۋدى سۇرادى. 

"قۇرمەتتى، داۋرەن اسكەربەك ۇلى! مەن 15 جىلدان بەرى تەلەجۋرناليستيكادا ءجۇرمىن. قازىرگى كەزدە الەۋمەتتىك جەلىنىڭ وتە بەلسەندى قولدانۋشىلارىنىڭ ءبىرىمىن. ينستاگرامدا مەنىڭ جازبالارىمدى 2،5 ميلليون ادام وقيدى. سىزبەن فەيسبۋكتە دوس ەمەسپىز. سوندىقتان "نۇر-وتان" پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆتى بەلگىلەپ، وسى باعدارلاما جايلى بىرنەشە رەت جازدىم. بۇل جايلى ەڭ العاش "جايدارمانشى" نۇربولxان شاراپوۆ باستادى. ونى جۋرناليست ارىپتەسىم اسxات سادىرباي قوستادى. كۇندىزگى 15:00-دە بۇل باعدارلاما تىكەلەي ەفيردە شىعىپ، انايى تاقىرىپتاردى ءجيى قوزعايتىن بولعان. اسىرەسە، "قىزدىق پەردەنى" ساۋدالاۋشىلار بەت-بەينەسىن جاپپاي ەفيرگە شىعىپ ءجۇر. ءقازىر وسىنى ەستىگەن جۇڭگو، قىرعىزستاننىڭ اقپارات قۇرالدارى بىزگە كۇلىپ، "قازاق قىزدارى قىزدىق پەردەسىن 1 ميلليونعا ساتادى" دەپ جازىپ جاتىر. وسى جاعداي بىزگە ابىروي اپەرمەيتىنىن جاقسى بىلەسىزدەر. سوندىقتان وسى سارىنداس باعدارلامالاردى جابۋدى سۇرايمىن"، - دەدى جۋرناليست. 

ال مينيستر ءوز جاۋابىندا "ءوز ويىم" باعدارلاماسىن جابا المايتىنىن جانە وعان قۇقىعى دا جوق ەكەنىن ايتتى.

"بيبىگۇل داۋلەتبەك قىزى، سىزگە العىس بىلدىرەمىن. ءوزىڭىز سەكىلدى ازاماتتاردىڭ ەلدىڭ بولاشاعىنا الاڭداپ، قوعام ءۇشىن جانى اشىعانى قۋانتادى. ءبىراق "جەتىنشى ارنا" جەكەمەنشىك ارنا. مەن تەك زاڭ اياسىندا عانا شارا قولدانا الامىن. ەگەر "ءوز ويىم" باعدارلاماسى تەرروريزم سەكىلدى زاڭدا تىيىم سالىنعان تاقىرىپتاردى ناسيxاتتايتىن بولسا عانا ءبىز توقتاتا الامىز. ال باسقا جاعدايدا ءبىزدىڭ قۇزىرىمىز جوق. سوسىن مىنانى ايتا كەتەيىن، وزدەرىڭىز وسىنداي جيىن كەزىندە "انا باعدارلامانى جاپ، مىنانى جاپ" دەپ ايتاسىزدار دا، كەيىن مينيستر ءسوز بوستاندىعىنا شەكتەۋ قويىپ جاتىر دەپ تاعى شۋلايسىزدار"، - دەپ ءتۇسىندىردى داۋرەن ابايەۆ. 

مينيستر ءسوز سوڭىندا جۋرناليست بيبىگۇل داۋلەتبەك قىزى "ءوز ويىم" سەكىلدى xايپ قۋعان باعدارلامانىڭ ورنىنا رۋxاني بالاما جوبا جاسايتىن بولسا، ەفيرگە شىعارۋعا دايىن ەكەنىن ايتتى.

ۇسىنعان: اسەل بولات قىزى