قازاق ءۇشىن «الاشتان» باسقا ۇلتتىق يدەيا جوق. ونى ىزدەستىرۋ نە قولدان جاساۋ قاجەت تە ەمەس – «اق جول» پارتياسىنىڭ ءتوراعاسى ءدال وسىنداي پىكىرىمەن قۇرىلتاي دەلەگاتتارىمەن ءبولىستى دەپ حابارلادى پارتيانىڭ باسپا ءسوز قىزمەتى Qamshy.kz اقپارات اگەنتتىگىنە.
«تاۋەلسىزدىكتىڭ نەگىزىندە، قازاق حالقىنىڭ ازاتتىققا جانە مەملەكەتتىلىككە تاريحي ۇمتىلىسى رەتىندە «الاش» يدەياسى جاتىر» - دەدى پەرۋاشيەۆ. «اق جول» پارتياسى «الاش» ۇستانىمىن قازاق ۇلتتىق يدەياسى رەتىندە قاراستىرادى، ءوزىن ونىڭ رۋحاني ءىزباسارى دەپ بىلەدى جانە مەملەكەتتىك قۇرىلىستا، ەكونوميكا مەن رۋحاني ومىردە «الاش» ۇستانىمدارىن ناسيحاتتايدى. اتاپ ايتساق: پارلامەنتاريزم، باسەكەلەستىك، رەسۋرستى ۇلتشىلىق، جاڭعىرتۋ، اشىقتىق، ءبىلىمدى جانە زايىرلى مەملەكەت. وسى ۇستانىمدارعا ازات پەرۋاشيەۆ ەرەكشە نازار اۋداردى ءوز بايانداماسىندا.
سونىمەن قاتار، دەپۋتات «الاش» يدەياسى بۇكىل حالقىمىزدىڭ ورتاق مۇراسى ەكەنىن ەرەكشە ايتتى: «ءبىز «الاش» يدەياسىن جالپى حالىقتىق دەپ ەسەپتەيمىز جانە ونى جۇزەگە اسىرۋدا باسقا دا قوعامدىق كۇشتەرمەن بىرگە اتسالىسۋعا دايىنبىز. ءبىزدىڭ پارتيانىڭ دا نەمەسە باسقا ۇيىمداردىڭ دا، «الاش» يدەياسىنا ەشقانداي «ايرىقشا قۇقىقتارى» جوق» - پەرۋاشيەۆتىڭ مالىمدەگەنى.
«ءوزىن قازاق دەپ سانايتىڭ ادام ءۇشىن، «الاش» يدەياسى اۋا مەن ەركىندىك سياقتى تۋا بىتكەن ءتول ۇعىم» - دەپ سەندىردى «اقجولدىقتاردىڭ» جەتەكشىسى.
ۇسىنعان: نازەركە لابيحان
