ۆلاديۆوستوكتا رەسەي پرەزيدەنتى پۋتين مەن سولتۇستىك كورەيا پرەزيدەنتى كيم چەن ىن كەلىسسوزدەر باستالىپ كەتتى. ءبىرىنشى كەزەڭدە مەملەكەت باسشىلارى وڭاشا سويلەستى.
پۋتين ءوز اتىنان كيم چەن ىندى پەرزيدەنتتىك پوستقا قايتا سايلانعانىمەن قۇتتىقتادى. رەسەيلىك كوشباسشىنىڭ ايتۋىنشا، ونىڭ بۇل كەلۋى ەكى ەل اراسىنداعى يادرولىق ماسەلەلەردى شەشۋگە ايتارلىقتاي ىقپال ەتەدى جانە بايلانىستىڭ دامۋىن نىعايتا تۇسەدى.
سولتۇستىك كورەيالىق يادرولىق ماسەلەلەر مەن اقش قارىم-قاتىناسى جونىندەگى باعىتتار بويىنشا كيم چەن ىن جاساپ جاتقان جۇمىستاردى پۋتين قولدايتىنىن مالىمدەدى.
ءوز كەزەگىندە سولتۇستىك كورەيالىق ليدەر دە كارىس جارتى ارالىنداعى ماسەلەلەر جونىندە پۋتينمەن پىكىر الماسۋعا ءۇمىتتى ەكەنىن جەتكىزدى. سونداي-اق، رەسەي پرەزيدەنتىمەن بولعان كەلىسسوز ناتيجەسىز قالمايتىنىنا سەنەتىنىن قوسا ايتتى.
كەلىسسوز رۋسسكيي ارالىنداعى قيىر شىعىس فەدەرالدى ۋنيۆەرسيتەتىنىڭ كامپۋسىندا ءوتىپ جاتىر.
جەكە اڭگىمە-دۇكەن اياقتالعان سوڭ كەزدەسۋ كەڭەيتىلگەن فورماتتا، ەكى ەل دەلەگاتتارىنىڭ قاتىسۋىمەن جالعاسادى.
ۇسىنعان: ادىلەت مادەنيەت
