اۆستريانىڭ براۋناۋ قالاسى مەرىنىڭ ورىنباسارى جانە اۆستريالىق ەركىندىك پارتياسىنىڭ مۇشەسى كريستيان شيلحەر ميگرانتتاردى ەگەۋقۇيرىققا تەڭەگەن ولەڭى ءۇشىن سىنعا ۇشىراپ، جۇمىستان كەتتى دەپ حابارلايدى Qamshy.kz اقپارات اگەنتتىگى bbc.com سايتىنا سىلتەمە جاساي وتىرىپ.

شيلحەرگە پارتيادان جانە قالا مەرىنىڭ ورىنباسارى قىزمەتىنەن كەتۋگە تۋرا كەلدى.

اۆستريانىڭ فەدەرالدى كانسلەرى سەباستيان كۋرستىڭ ايتۋىنشا، شيلحەردىڭ وتستاۆكاعا كەتۋى – اتالعان جاعدايعا بايلانىستى ەڭ دۇرىس شەشىم بولدى. بۇعان دەيىن كانسلەر وڭىرلىك شەنەۋنىكتىڭ ولەڭدەرىن ادامگەرشىلىككە جاتپايتىن جانە ناسىلدىك كەمسىتۋگە جول بەرىلگەن ۇنامسىز شىعارما دەپ اتاعان بولاتىن. ءتىپتى مۇنداي ادامعا اۆستريادا تۇرۋعا ورىن جوق ەكەنىن اتاپ وتكەن.

«قالالىق ەگەۋقۇيرىق» دەپ اتالعان اتى شۋلى ولەڭىندە ساياساتكەر ميگرانتتارعا تەز ارادا «كوزدەرىن قۇرتۋدى» نەمەسە كەلگەن ورتاعا بەيىمدەلۋگە كەڭەس بەرگەن.

بۇل ولەڭ ادولف گيتلەر تۋىپ وسكەن اۆستريانىڭ براۋناۋ قالاسىنىڭ  «ەركىندىك» پارتياسىنىڭ پارتيالىق گازەتىندە جارىق كورگەن.

اۆستريانىڭ ۆيسە-كانسلەرى جانە اۆستريا ەركىندىك پارتياسىنىڭ بەلسەندىسى حاينس-كريستيان شتراحە دە ولەڭگە تەرىس پىكىرىن بىلدىرگەن.

سونىمەن قاتار بۇل ولەڭدەردەن تاريحي سيپاتقا يە ۇقساستىقتاردى انىقتاپ وتىر. اۆستريانىڭ سوسيال-دەموكراتيالىق پارتياسىنىڭ باسشىسى پامەلا رەندي-ۆاگنەر، مۇنداي تەڭەۋلەر بۇعان دەيىن ناسيستىك ناسيحاتتاۋلاردا ءجيى قولدانىسقا يە بولعانىن اتاپ ءوتتى.

سوڭعى ۋاقىتتا اۆستريادا ناسىلدىك كەمسىتۋلەرگە جول بەرىلگەن داۋ-دامايلار جيىلەپ كەتكەن.

سونداي-اق، وتكەن اپتادا شتراحە ءوزىنىڭ فەيسبۋك پاراقشاسىندا حولوكوستتى جوققا شىعاراتىن سايتقا سىلتەمە جاساعان بولاتىن. جاستاردىڭ «داستۇرلەر كوشى-قوندى جەڭەدى» دەگەن ۇرانى ناسيستىك انتيسەميتتىك بەينەلەردى قولدانعانى ءۇشىن سىنعا الىندى.

شيلحەردىڭ ولەڭىندە مىناداي جولدار بار:

«بىزبەن بىرگە ءومىر ءسۇرىپ جاتقان ەگەۋقۇيرىقتار ءبىزدىڭ ەرەجەلەرىمىزبەن ءومىر ءسۇرۋى كەرەك» جانە «ءبىز سياقتى ءومىر سۇرىڭدەر، نە بولماسا كوزدەرىڭدى قۇرتىڭدار»، - دەگەن جولدار كەلتىرىلگەن.

كەيىن شيلحەر ءوزىنىڭ جازعان سوزدەرى ارقىلى ەشكىمدى كەمسىتكىسى كەلمەگەنىن ايتتى. ونىڭ جەكە پىكىرى بويىنشا، ساياساتكەر تاريحي استارعا ءمان بەرمەگەن تەك ەلدەگى وزگەرىستەردى اتاپ وتكىسى كەلگەن. ايتۋىنشا، بۇل جاعدايدى بارلىعى وزىنشە «ادىلەتتى سىناۋعا» كوشكەن.

 اۋدارعان مارجان سابەت