دارىگەر ەشبىر وتاسىز ءبىر جارىم جاسار بالانىڭ وڭەشىنەن ون تيىندى الدى دەپ حابارلايدى Qamshy.kz اقپارات اگەنتتىگى.
بۇل اقپاراتتى ازامات سارسەنبايەۆ ەسىمدى قولدانۋشى ءوز پاراقشاسىندا جاريالاعان بولاتىن.
"22.04.2019 جىلى ماڭعىستاۋ وبلىستىق بالالار اۋرۋحاناسىنا جوتەل، تىنىس الۋى ناشار دەگەن شاعىمدارمەن ءبىر جارىم جاسار بالانى الىپ كەلگەن. كەزەكشى دارىگەر رەنتگەنگە تۇسىرگەننەن كەيىن بالانىڭ وڭەشىنەن بوگدە زاتتى بايقاعان.
دارىگەر ناسۋحان وتارعازييەۆ "فولەيا كاتاتەرىن" پايدالانىپ، ەشبىر وتاسىز بالانىڭ وڭەشىنەن ون تەڭگەلىك تيىندى الىپ شىققان.
بۇعان دەيىن بەينەۋ ورتالىق وبلىستىق اۋرۋحاناسىنىڭ ديرەكتورى دا ءدال وسى ءتاسىلدى پايدالانعان ەكەن. قازىرگى كەزدە بالانىڭ دەنساۋلىعى جاقسى" دەلىنگەن جازبادا.
ۇسىنعان: ماقپال سەمباي
