"Marwin بالالار تاۋارلارى دۇكەندەر جەلىسى مەن "ميراس" حالىقارالىق مەكتەبى، "ن.نازاربايەۆتىڭ ءبىلىم قورى" قق، "سالاۋاتتى ازيا" قق بىرىگىپ، 26ء-ساۋىر كۇنى "جومارتتىق قورابى" اتتى قايىرىمدىلىق شاراسىن وتكىزبەك.

اتالمىش شارا روزىباكييەۆ كوشەسىنىڭ بويىندا ورنالاسقان "مega Alma-Ata" ويىن-ساۋىق، ساۋدا ورتالىعىنداعى Marwin بالالار دۇكەنىندە وتەدى.

اكسيانىڭ ماقساتى – ەم الۋ بولمەسىنە نەمەسە وتا ۇستەلىنە كەتىپ بارا جاتقان بالالاردىڭ كوڭىلىن اۋلاۋ، پسيحولوگياسىنىڭ بۇزىلۋىنا جول بەرمەۋ.

قاتەرلى ىسىك دياگنوزى قويىلعان بالالار كۇن سايىن قورقىنىش پەن ۇرەي، سەنىمسىزدىك پەن اۋىرسىنۋدى سەزىنەدى. ولاردىڭ ايتۋىنشا، ەڭ قورقىنىشتى دۇنيەلەردىڭ ءبارى ەم الۋ كابينەتىندە ورىن الادى: جارانى تاڭۋلار، ەكپەلەر، ءتۇرلى پرەپاراتتاردى ورناتۋ دەگەندەي.

ەم شارالارىن الۋدان الدىن بالالارعا "جومارتتىق قورابىنان" كوڭىلى شاپقان كەز-كەلگەن ويىنشىقتى الۋعا رۇقسات بەرىلەدى. وسى ارقىلى ولاردىڭ ەگۋ بولمەلەرى مەن وتا ۇستەلىنە كىرەردەگى ۇرەيىن، قورقىنىشىن ءسال بولسا دا باسەڭدەتۋ كوزدەلەدى.

ستۋدەنتتەر مەن اتا-انالار، "ميراس" حالىقارالىق مەكتەبىنىڭ قىزمەتكەرلەرى اتالمىش اكسيانى بەلسەندى تۇردە قولداپ، ناۋقاس بالالارعا ويىنشىقتار جيناۋعا اتسالىسپاق.

شارانى "مەلومان"  ج ش س قولداۋىمەن ۇيىمداستىرعان – "ميراس" حالىقارالىق مەكتەبى.

ۇسىنعان: ادىلەت مادەنيەت