كيم چەن ىن مەن ءپۋتيننىڭ كەلىسسوزدەرى ۆلاديۆوستوك قالاسىندا اياقتالدى دەپ جازادى Qamshy.kz اقپارات اگەنتتىگى شەتەلدىك باق-تىڭ دەرەگىن نەگىزگە الىپ. كەلىسسوز جۇرگىزۋ بارىسىندا رەسەيلىك ب ا ق سولتۇستىك كورەيا باسشىنىڭ ءبىرتۇرلى قىلىقتارىن جازىپ، تالقىلاپ جاتىر. 

كيم چەن ىن تەك قانا ءوزىنىڭ ليمۋزينىمەن عانا جۇرەدى، ءتىپتى اجەتحاناعا دا بارمايدى سەبەبى ءليمۋزيننىڭ ىشىندە بيولوگيالىق اجەتحانا بار ەكەن. سونداي-اق قاتال باسشى ءوزىنىڭ ءستيلىن قايتالاۋعا دا تىيىم سالعان كورىنەدى. 

الەمدىك جانە رەسەيلىك ب ا ق وكىلدەرى ۆلاديۆوستوك قالاسىندا قىزىقتى جايتتىڭ كۋاسى بولدى. كيم چەن ىننىڭ كۇزەتشىلەرى كەزدەسۋدەن بۇرىن كيم چەن ىننىڭ ورىندىعىن  مايلىقپەن سۇرتكەن. ۆيدەونى تۇسىرگەن اۆتور مايلىقتىڭ سپيرتكە شىلانعانىن جانە كۇزەتشىلەر ديزينفەكسيا جاساعانىن ايتقان. 

سونداي-اق 2015 جىلى كيم چەن ىن سولتۇستىك كورەيا شەنەۋنىكتەرىنە ءوزىنىڭ ءستيلىن قايتالاۋعا تىيىم سالعان بولاتىن. بۇل زاڭ شىقپاي تۇرىپ سولتۇستىك كورەيا تۇرعىندارى كوشباسشىنىڭ ستيلىنە قىزىعۋشىلىق تانىتىپ، سونداي ستيلدە كيىنگەن ەدى. 

سولتۇستىك كورەيانىڭ باسشىسى شەتەلگە ىسساپارمەن كوپ شىعا بەرمەيدى. ءتىپتى شىققان كۇننىڭ وزىندە ءوزىنىڭ جەكە ترانسپورتىمەن جۇرەدى. رەسەيگە ساپارى بارىسىندا دا كيم چەن ىن ءوزىنىڭ جەكە ليمۋزينىمەن جۇرگەن. ونىڭ جەكە ءليمۋزينىن الدىرۋدىڭ ءوزى وڭاي بولماعان. ۆلاديۆوستوك قالاسىنىڭ تەمىر جولىندا سولتۇستىك كورەيا باسشىنىڭ ءليمۋزينى سىيماعان سوڭ، 20 سانتيمەترلىك قابىرعانى الىپ تاستاۋعا تۋرا كەلدى. 

ال عاجاپ كولىكتىڭ ىشىندە بيولوگيالىق اجەتحانا بار. بۇل نە ءۇشىن؟ بۇل دا قاۋىپسىزدىكتىڭ بەلگىسى. كيم چەن ىن ءناجىسىنىڭ ءوزىن قارسىلاسىنان قىزعىشتاي قورعايدى. كيم چەن ىننىڭ قارسىلاستارى ونىڭ ءناجىسى ارقىلى ونىڭ قانداي اۋرۋمەن اۋىراتىنىن، دەنساۋلىعى قانداي ەكەنىن ءبىلىپ قويۋى مۇمكىن. سول سەبەپتى سولتۇستىك كورەيا باسشىسى كەز كەلگەن ءقاۋىپتىڭ الدىن الادى. ءتىپتى سولتۇستىك كورەيالىقتار كيم چەن ىننىڭ اجەتحاناعا مۇلدەم بارمايتىنىنا يمانداي سەنەدى ەكەن. 

سولتۇستىك كورەيا باسشىنىڭ جان-جاعىندا تورۋىلداپ جۇرگەن كۇزەتشىلەرگە قاتاڭ ءتارتىپ قويىلاتىنى بەلگىلى. ءبىر قىزىعى، ولار فيزيكالىق تۇرعىدان مىقتى بولۋى قاجەت جانە دە بويلارى كيم چەن ىننان ۇزىن بولماۋى شارت. ال سولتۇستىك كورەيا باسشىنىڭ بويى شامامەن 163 سم ەكەن. 

اۋدارعان: اسەل بولات قىزى