ۋكراينانىڭ جاڭادان سايلانعان پرەزيدەنتى ۆلاديمير زەلەنسكييدىڭ تۇركياعا دەمالۋعا بارعان. جەرگىلىكتى بەس جۇلدىزدى قوناق ءۇيدىڭ قىزمەتكەرلەرى مەن قاراپايىم تۇرعىندار ونىڭ ەرەكشەلىگىن ايتىپ، تاڭداي قاعىسۋدا. بۇل تۋرالى Qamshy.kz اقپارات اگەنتتىگى ريا نوۆوستيگە سىلتەمە جاساپ حابارلايدى.

بوردۋم قالاسىنداعى مەيرامحانالاردىڭ بىرىندەگى داياشىنىڭ ايتۋىنشا، زەلەنسكيي وتە قاراپايىم ءارى جاعىمدى، تارتىمدى جىگىت كورىنەدى. سونداي-اق، جاڭادان سايلانعان پرەزيدەنتپەن ونى تانىماعان ساتۋشى دا تىلدەسىپتى.

"ءسىز بەن ءبىز سياقتى وتە قاراپايىم ەكەن: جانىنداعى كۇزەتشىلەرى دە جەڭىل جەيدە عانا كيىنگەن. ءتىپتى، كۇزەتشى ەكەنىن بايقامايسىڭ دا"، - دەدى ساتۋشى.

ال جاعاجايدىڭ قاۋىپسىزدىك ساقتاۋ قىزمەتكەرى ونىڭ قاراپايىم، بايسالدى ءارى كوڭىلدى جىگىت ەكەنىن ايتادى.

ەسكە سالا كەتەيىك، ۋكرايناداعى پرەزيدەنت سايلاۋى ناتيجەسىندە 72،5 پايىز داۋىس ۇلەسىمەن جەڭىسكە ۆلاديمير زەلەنسكيي جەتكەن ەدى.