ۋكراينانىڭ جاڭادان سايلانعان پرەزيدەنتى ۆلاديمير زەلەنسكيي رەسەيلىك كوشباسشى ۆلاديمير ءپۋتيننىڭ دحر جانە لحر تۇرعىندارىنا رەسەي پاسپورتىن بەرۋ تۋرالى شەشىمىنە قاتىستى اششى پىكىر ءبىلدىردى.
"ۆلاديمير زەلەنسكييدىڭ رەسەيلىك ءتولقۇجاتقا قاتىستى پوزيسياسى تۋرالى، ۋكراينا ازاماتتارىنىڭ نازارىنا!"
رەسەي قازىرگى ۋاقىتتا ۋكراينانىڭ قاراماعىنا كىرمەيتىن ايماقتارعا ءوز پاسپورتتارىن بەرۋ ارقىلى وككۋپانت-مەملەكەت جاۋاپكەرشىلىگىن جۇكتەپ وتىر. بۇل ارەكەتى رەسەيدىڭ ۋكرايناعا ايتارلىقتاي قىسىم جاساپ وتىرعانىنىڭ ايقىن كورىنىسى.
"وكىنىشكە قاراي، بۇل قاۋلى ءبىزدىڭ نەگىزگى شەشىمدى قابىلداۋىمىزعا تۇرتكى بولىپ وتىر"، - دەلىنگەن مالىمدەمەدە.
كەز-كەلگەن جاعدايدا ۋكراينا تارتىپ الىنعان ايماقتارداعى ءوز ازاماتتارىنىڭ قۇقىعىن قورعاۋ ءۇشىن، قاۋىپسىزدىگىن ساقتاۋ ءۇشىن ايانىپ قالمايدى-مىس. سونداي-اق، ۋكراينا ۋاقىتشا وككۋپاسيالانعان تەرريتوريالارداعى ازاماتتار قۇقىعىن قورعاۋ ءۇشىن حالىقاالىق ۇيىمداردىڭ كومەگىنە جۇگىنبەك.
ۆلاديمير زەلەنسكييدىڭ جاڭاشىلدىقتارىنىڭ ءبىرى بولىپ، وككۋپاسيالانعان ايماقتارداعى ازاماتتاردىڭ احۋالىن جاقسارتۋ، تارتىپ الىنعان جەرلەردى مەملەكەت قاراماعىنا قايتا ەنگىزۋ سانالادى.
مالىمدەمە سوڭىنا "دونباسس – بۇل ۋكراينا" دەگەن ءسوز بار.
ەسكە سالا كەتەيىك، كەشە ۆلاديمير زەلەنسكيي ءوزىنىڭ الەۋمەتتىك جەلىدەگى پاراقشاسىندا اتالمىش ماسەلەلەرگە قاتىستى وتە كولەمدى پوست سالعان ەدى.
ۇسىنعان: ادىلەت مادەنيەت
