ق ر ءماجىلىس دەپۋتاتتارى ازعىر ءوڭىرىنىڭ تۇرعىندارىمەن كەزدەسۋ وتكىزدى، دەپ xابارلايدى Qamshy.kz اقپارات اگەنتتىگى اتىراۋ وبلىسىنىڭ وڭىرلىك كوممۋنيكاسيالار قىزمەتىنىڭ دەرەگىن نەگىزگە الىپ. ءىس-ساپاردىڭ باستى ماقساتى — ازعىر وڭىرىنە گاز تارتۋ جانە ونىڭ جۇمىس بارىسىمەن تانىسۋ. 

تۇرعىندارمەن كەزدەسۋگە پارلامەنت دەپۋتاتتارى باقتىقوجا ىزمۇحامبەتوۆ، اباي تاسبۋلاتوۆ، تاراس حيتۋوۆ، سەرگەي سيمونوۆ جانە اتىراۋ وبلىسى اكىمىنىڭ ءبىرىنشى ورىنباسارى سەرىك شاپكەنوۆ كەلدى.

ءوز سوزىندە ق ر ءماجىلىس دەپۋتاتى باقتىقوجا ءىزمۇxامبەتوۆ اعىمداعى جىلدىڭ مامىر ايىنىڭ سوڭىنا دەيىن 10 ەلدى مەكەنگە گاز تارتىلاتىنىن اتاپ ءوتتى.

"بۇل ەلدى مەكەندەگى ەڭ ۇلكەن جۇمىس — گاز جۇرگىزۋ. وبلىس اكىمى نۇرلان نوعايەۆ وسى ۇلكەن جۇمىستى بىتىرگەلى جاتىر. جاڭا ءبىز جۇمىس بارىسىنىڭ قالاي ءجۇرىپ جاتقانىن قاراپ وتتىك. ۇزىندىعى 365 شاقىرىمدى قۇرايتىن جۇمىس ءساتتى اياقتالعالى جاتىر. الدىمىزداعى مامىر ايىنىڭ اياعىندا ىسكە قوسىلۋى ءتيىس. بۇل جەرگە ءبىر ايدىڭ كولەمىندە كوگىلدىر وتىن جەتەتىن بولادى. سوندا 10 ەلدى مەكەن گازبەن قامتىلاتىن بولادى. بۇنىڭ ءبارى ەلباسىنىڭ جەكە تۋعىزىپ وتىرعان مۇمكىندىگىنىڭ ارقاسى"، - دەدى ءماجىلىس دەپۋتاتى باقتىقوجا ىزمۇحامبەتوۆ.

سونداي-اق، دەپۋتات اتاۋلى الەۋمەتتىك كومەك، كوپبالالى، از قامتىلعان وتباسىلاردى قولداۋ جانە جالاقى ءوسىرۋ توڭىرەگىندە ەلباسى قابىلداعان تاپسىرمالاردى حالىققا تانىستىرىپ ءوتتى.

جيىن سوڭىندا ءماجىلىس دەپۋتاتتارى تۇرعىنداردىڭ كوكەيكەستى سۇراقتارىنا جاۋاپ بەردى. 
ايتا كەتەيىك، بۇل جوبا 8 مىڭ تۇرعىنى بار 10 ەلدى مەكەندى قامتيدى. ازعىر ايماعىنداعى گاز قۇبىرىنىڭ جالپى ۇزىندىعى 365،242 كيلومەتردى قۇرايدى.

ۇسىنعان: اسەل بولات قىزى