ق ر پارلامەنت سەناتىنىڭ قارجى جانە بيۋدجەت كوميتەتى اتىراۋدا ەلىمىزدىڭ ينۆەستيسيالىق كليماتىنىڭ دامۋى ماسەلەسىن تالقىلادى، - دەپ حابارلايدى Qamshy.kz اقپارات اگەنتتىگى وڭىرلىك كوممۋنيكاسيالار قىزمەتىنىڭ دەرەگىن نەگىزگە الىپ.

سەناتورلار مەن جەرگىلىكتى اتقارۋشى ورگاندار ستراتەگيالىق ينۆەستورلاردى تارتۋ جانە ەكونوميكانىڭ باسىم باعىتتارىندا «زاكىرلى ينۆەستورلارمەن» بىرىككەن كاسىپورىندار قۇرۋ جونىندە پىكىرلەرىمەن ءبولىستى.

كوميتەت ءتوراعاسى ولگا پەرەپەچينانىڭ ايتۋىنشا، سوڭعى جىلدارى ينۆەستيسيالىق كليماتتى جاقسارتۋ بويىنشا قابىلدانعان شارالاردىڭ ارقاسىندا قازاقستان ينۆەستيسيالىق تارتىمدىلىعىن ارتتىرىپ، عالامدىق باسەكەگە قابىلەتتىلىك يندەكسى مەن دۇنيەجۇزىلىك بانكتىڭ Doing Business رەيتىنگىندەگى كورسەتكىشتەرىن جاقسارتتى.

— بۇگىنگى كۇنى ينۆەستيسيالىق كليماتتى جاقسارتۋ بويىنشا پروبلەمالىق ماسەلەلەردى جويۋ ءۇشىن ۇكىمەت كاسىپكەرلىك سالاسىندا، سونىڭ ىشىندە سالىق سالاسىندا زاڭنامالاردى جەتىلدىرۋ ماسەلەسىن قاراۋدا، - دەپ اتاپ ءوتتى ولگا پەرەپەچينا.

— اتىراۋ وبلىسىن كەزدەيسوق تاڭداعان جوقپىز، بۇل ايماق ەلىمىز بويىنشا باسەكەگە قابىلەتتىلىك رەيتىنگىندە الدىڭعى ورىندا تۇر، ەكونوميكالىق دامۋ قارقىنى جوعارى ءوڭىر.
ايرىقشا اتاپ ءوتۋ كەرەك، اتىراۋ وبلىسى وتاندىق ءىرى ينۆەستورلار ءۇشىن دە، شەتەلدىك ينۆەستورلار ءۇشىن دە تارتىمدى ايماق، ەلىمىزدەگى ينۆەستيسيا كولەمىنىڭ ۇشتەن بىرگە جۋىعى وسى ايماققا تيەسىلى.

​ق ر سىرتقى ىستەر مينيسترلىگى ينۆەستيسيا كوميتەتى ءتوراعاسىنىڭ ورىنباسارى لاريسا جۇماعالييەۆانىڭ ايتۋىنشا، 2019 جىلدىڭ قاڭتار-ناۋرىز ايلارىندا نەگىزگى كاپيتالداعى ينۆەستيسيا مولشەرى 7%-عا ارتىپ، 2،1 ترلن تەڭگە بولدى. اتىراۋ وبلىسىندا ينۆەستيسيا وسى ۋاقىت ارالىعىندا 10،3%-عا جوعارىلاپ، 1 ترلن تەڭگەگە جەتتى.

— اتىراۋ وبلىسىندا شەتەلدىك ينۆەستورلاردىڭ قاتىسۋىمەن قولعا الىنعان جوبالار قاتارىندا 11،4 ملرد دوللار سوماسىنداعى 7 جوبا بار، ونىڭ ىشىندە 4،7 ملرد دوللاردىڭ 4 جوباسى جۇزەگە اسىپ جاتىر، 6،7 ملرد دوللاردىڭ 3 جوباسى دايىندالۋدا، - دەپ ناقتىلادى لاريسا جۇماعالييەۆا.

​اتىراۋ وبلىسىنىڭ اكىمى نۇرلان نوعايەۆتىڭ ايتۋىنشا، بۇگىندە ايماق الەمنىڭ 50 ەلىمەن بايلانىس ورناتقان، بۇل 1000 كومپانيا دەگەن ءسوز.

— ەلباسىنىڭ ءار ءوڭىردىڭ مۇمكىندىگىن پايدالانا وتىرىپ، ەكونوميكانى ديۆەرسيفيكاسيالاۋ تۋرالى تاپسىرماسى بار. اتىراۋ وبلىسى ونەركاسىپتىك وندىرىستە كوشباسشى، ياعني، رەسپۋبليكالىق كولەمنىڭ 25% مۇنايلى ءوڭىردىڭ ەنشىسىندە. وڭدەۋ ونەركاسىبىنە دە كوڭىل ءبولىپ وتىرمىز. اۋىل شارۋاشىلىعى، وڭدەۋ ونەركاسىبى سەكىلدى باسقا سالالارعا دا ينۆەستيسيا تارتۋعا مۇددەلىمىز،-دەدى نۇرلان نوعايەۆ.
مۇمكىندىكتەر بار، باستىسى – ينۆەستيسيالىق تارتىمدىلىق. ينۆەستيسيا تارتۋ جۇيەسى قۇرىلدى، - دەپ ەسەپتەيدى پارلامەنت سەناتىنىڭ دەپۋتاتى عۇمار دۇيسەمبايەۆ.

— پرەمەر-مينيستر ينۆەستيسيالىق ومبۋدسمەن بولىپ تاعايىندالدى. يندۋستريا جانە ينفراقۇرىلىم مينيسترلىگىنىڭ ينۆەستيسيا كوميتەتى سىرتقى ىستەر مينيسترلىگىنە بەرىلدى، ويتكەنى ينۆەستيسيا تارتۋدا سىرتقى ينۆەستيسيالاردىڭ ۇلەسى كوپ. «قازاقينۆەست» اكسيونەرلىك قوعامى قۇرىلدى، ول بارلىق جوبالاردى جيناقتاپ، ساپالى ىسكە اسۋىنا جاردەمدەسەدى، - دەدى سەناتور.

ارينە، ىشكى ينۆەستيسيالار تۋرالى دا ۇمىتۋعا بولمايدى. وتاندىق بيزنەستىڭ مۇددەسى ەكونوميكانىق ءار ءتۇرلى سالالارىن قامتىپ وتىر – اۋىل شارۋاشىلىعى، مۇنايحيميا، ت.ب.

— 2012-2016 جىلدارى «اتىراۋ» الەۋمەتتىك كاسىپكەرلىك كورپوراسياسىنا جاڭا جوبالار جاساۋ ءۇشىن 13 ملرد تەڭگە ءبولىندى. وسى ۋاقىت ارالىعىندا 35 جوبا ىسكە استى، - دەپ اتاپ ءوتتى عۇمار دۇيسەمبايەۆ.

مۇناي-گاز سالاسىنداعى «زاكىرلى جوبالار» تۋرالى «Kazakh Invest» ۇك» اق باسقارما ءتوراعاسىنىڭ ورىنباسارى رۋستام يساتايەۆ ايتتى.

— بۇگىندە كومپانيانىڭ اقپاراتتىق-مونيتورينگتىك جۇيەسىندە شەتەلدىك ينۆەستورلاردىڭ قاتىسۋىمەن 157 جوبا بار، جالپى سوماسى 40 ملرد دوللار. سونىمەن قاتار، كەلىسسوزدەر باستالعان باسقا دا ينۆەستورلاردىڭ ءتىزىمى جاسالدى. مۇنداي جوبالار سانى – 123. بۇل جەردە ءۇندىستان، تۇركيا، كاتار ەلدەرىنىڭ بەلسەندىلىك تانىتىپ وتىرعاندارىن اتاپ ءوتۋىمىز كەرەك،-دەدى رۋستام يساتايەۆ.

ق ر ەنەرگەتيكا ۆيسە-مينيسترى اسەت ماعاۋوۆ مۇنايحيميا سالاسىنداعى ءىرى جوبالارعا توقتالدى. ول – پوليپروپيلەن جانە پوليەتيلەن ءوندىرۋ كەشەنى. پوليەتيلەن جوباسىنىڭ ستراتەگيالىق سەرىكتەسى - Borealis كومپانياسى. قازىرگى ۋاقىتتا جوبالىق قۇجاتتاماسى دايىندالۋدا. قۇرىلىس 2021 جىلى باستالادى.

— ءوز كەزەگىندە، ينۆەستورلاردىڭ جوباعا كىرۋىنىڭ باستى شارتى – ۇكىمەتارالىق كەلىسىمگە قول قويۋ ەكەنىن اتاپ وتكىم كەلەدى. كەلىسىمدە مەملەكەتتىك قولداۋ شارالارى، پرەفەرەنسيالار، ينۆەستيسيانى قورعاۋ زاڭناماسىنىڭ تۇراقتىلىعى، ينۆەستورلاردىڭ باسقا دا تالاپتارى كورسەتىلۋى ءتيىس،-دەدى اسەت ماعاۋوۆ.

تشو كومپانياسى مەن NCOC كونسورسيۋمىنىڭ مۇنايگاز جوبالارىنىڭ ءىرى ينۆەستورلارى تالقىلانعان ماسەلەگە ءۇن قوسىپ، ۇسىنىستارىن ورتاعا سالدى.
اتىراۋ وبلىسىنىڭ اكىمى نۇرلان نوعايەۆ وزەكتى ماسەلەنىڭ ۋاقىتىلى كوتەرىلىپ وتىرعانىن اتاپ ءوتتى. اسىرەسە بالىق شارۋاشىلىعى سالاسى، شەتەلدىك كومپانيالاردىڭ قاتىسى بار ءىرى جوبالاردى جۇزەگە اسىرۋعا شەتەلدىك مامانداردى تارتۋ، جەرگىلىكتى كومپانيالاردىڭ ۇلەسى سەكىلدى ماسەلەلەر كۇن تارتىبىندە تۇر.

— زاڭناماعا ەنگىزىلۋى مۇمكىن وزگەرتۋلەر ناتيجەسىن بەرەرى ءسوزسىز،-دەدى نۇرلان نوعايەۆ. جينالىس سوڭىندا قارجى جانە بيۋدجەت كوميتەتىنىڭ ءتوراعاسى ولگا پەرەپەچينا باسقوسۋ ينۆەستورلار ءۇشىن زاڭنامانىڭ تۇراقتىلىعى، ۆاليۋتالىق تاۋەكەلدى ساقتاندىرۋ مەحانيزمى، سالىقتىق قۇقىق بۇزۋشىلىقتاعى كەمسىتۋشىلىك ماسەلەسىنە قاتىستى ينۆەستيسيالىق كليماتتى جەتىلدىرۋ بويىنشا ۇسىنىستاردى الۋعا مۇمكىندىك بەرگەنىن اتاپ ءوتتى.

— بارلىق ۇسىنىستار قاپەرگە الىنىپ، ءىس جۇزىندە جۇزەگە اسۋى ءۇشىن ۇكىمەتكە جولدانادى، - دەپ قورتىندىلادى ولگا پەرەپەچينا.