ماڭعىستاۋ وبلىسىنىڭ اكىمى ەرالى توعجانوۆ يران يسلام رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى مادجيد سامادزادەح سابەر باستاعان يران يسلام رەسپۋبليكاسىنىڭ دەلەگاسياسىمەن كەزدەستى.

بۇل يران اسكەري قىزمەتىنىڭ قازاقستانعا ەكىنشى، ال جالپى العاندا ايلاقتار مەن پورتتارعا توعىزىنشى ساپارى. اقتاۋ تەڭىز پورتى ايلاعىندا يران يسلام رەسپۋبليكاسى قارۋلى كۇشتەرىنىڭ كاسپيي فلوتيلياسىنىڭ ەكى اسكەري كەمەسى ءۇش كۇن قاتارىنان تۇرادى.

ءوڭىر باسشىسى ماڭعىستاۋ وبلىسىنا دوستىق-ىنتىماقتاستىق نيەتپەن كەلگەن يران يسلام رەسپبليكاسىنىڭ تەڭىز كۇشتەرىنىڭ كاسپيي فلوتىنىڭ كەلۋى ءبىز ءۇشىن ۇلكەن مارتەبە ەكەندىگىن جانە ەكى ەلدىڭ قارۋلى كۇشتەردىڭ قارىم-قاتىناستارىن نىعايتۋعا تولىق مۇمكىندىك بەرەتىندىگىن اتاپ ءوتتى.

ماڭعىستاۋ وبلىسى جالپى يران يسلام رەسپۋبليكاسىمەن سونىڭ ىشىندە مازانداران، گۋليستان پروۆينسيالارىمەن تىعىز قارىم قاتىناستا.

بۇگىندە ولىستا يران يسلام رەسپۋبليكاسىنىڭ قاتىسۋىمەن ءار ءتۇرلى ەكونوميكانىڭ سالالارىندا بىرلەسكەن 15 كاسىپورىن تىركەلگەن.

قازىرگى تاڭدا ماڭعىستاۋ وبلىسى يران يسلام رەسپۋبليكاسىمەن اراسىنداعى 2018 جىلى قاڭتار-جەلتوقسان ايىندا تاۋار اينالىمى 41،9 ملن. اقش دولل. قۇرادى (2017 جىلى تاۋار اينالىمى 26،7 ملن اقش دولل. قۇرادى.) ونىڭ ىشىندە ەكسپورت 7،3 ملن .اقش دولل. (2017 جىلى ەكسپورت 2،6 ملن اقش دولل. قۇرادى)، ال يمپورت 34،5 ملن. اقش دولل. قۇرايدى.

ەكسپورت قۇرىلىمى: ارپا، پياز، بيداي سياقتى ازىق-تۇلىك ونىمدەرى، سونىمەن قاتار، مۇناي-گاز جانە مۇناي-حيميا سالاسىنداعى تاۋارلار مەن مەتاللدار، ال، يمپورت قۇرىلىمى: قۇرىلىس يندۋسترياسىنىڭ تاۋارلارى، تۇرمىستىق قاجەتتىك جانە ازىق-تۇلىك تاۋارلارى.

2018 جىلى 19 قازاندا، ماڭعىستاۋدا گۋبەرناتور ماناف حاشەمي باستاعان يران يسلام رەسپۋبليكاسى گۋليستان پروۆينسياسىنىڭ باسشىلارى مەن كاسىپكەرلەردىڭ رەسمي كەزدەسۋى وتكەن بولاتىن. كەزدەسۋدىڭ ناتيجەسىندە ماڭعىستاۋ وبلىسىنىڭ اكىمدىگى مەن گۋلىستان پروۆينسياسى اراسىندا ىنتىماقتاستىق تۋرالى مەموراندۋمعا قول قويىلدى.

مادجيد سامادزادەح سابەر يران اسكەري تەڭىز پورتىنىڭ اتىنان جىلى قارسى العانى ءۇشىن العىسىن بىلدىرە وتىرىپ، قازاقستاننىڭ اسكەري تەڭىز كۇشتەرىنىڭ كەمەلەرىنىڭ ساپارىن يران ەلىندە دە قارسى الۋعا دايىن ەكەندىگىن جەتكىزدى. سونىمەن قاتار، ەكى مەملەكەتتىڭ جوعارى دەڭگەيدەگى ساياسي باسشىلارىنىڭ جىگەرى، اسىرەسە قازاقستان رەسپۋبليكاسىنىڭ تۇڭعىش پرەزيدەنتى ەلباسى ن.ءا.نازاربايەۆتىڭ ەكى ەلدىڭ ىنتىماقتاستىعىن دامىتۋداعى ەڭبەگىنىڭ زور ەكەندىگىن اتاپ ءوتتى.

كەزدەسۋ سوڭىندا ەرالى لۇقپان ۇلى الداعى ۋاقىتتا دا وبلىس اكىمدىگى كەز كەلگەن بىرلەسكەن باستامالار مەن ءىس-شارالاردى قولداۋعا دايىن ەكەندىگىن جەتكىزدى.