اقتاۋدا «Nur Otan» پارتياسى ماڭعىستاۋ وبلىستىق فيليالىنىڭ كەزەكتەن تىس ححح كونفەرەنسياسى ءوتتى.
كونفەرەنسيا وبلىس اكىمى، «Nur Otan» پارتياسى ماڭعىستاۋ وبلىستىق فيليالىنىڭ ءتوراعاسى ەرالى توعجانوۆتىڭ توراعالىعىمەن ءوتتى. ءوز سوزىندە ەرالى لۇقپان ۇلى، ناۋرىز ايىندا ەلىمىزدە قوعامدىق-ساياسي ۇلكەن وزگەرىس بولعاندىعىن، ەلباسىنىڭ ءوز وكىلەتتىلىگىن توقتاتۋ جونىندە قابىلداعان شەشىمىنىڭ تاريحي ماڭىزى زور ەكەندىگىن جانە بۇگىنگى كونفەرەنسيا ەلباسى، «Nur Otan» پارتياسىنىڭ ءتوراعاسى نۇرسۇلتان نازاربايەۆتىڭ پارتيانىڭ كەزەكتى حVIII سەزىندە جۇكتەگەن تاپسىرمالارىنا جانە ەلىمىز ءۇشىن وتە ماڭىزدى شارا – قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ اعىمداعى جىلدىڭ 9 ماۋسىمىندا كەزەكتەن تىس پرەزيدەنتتىك سايلاۋ وتكىزۋ تۋرالى ۇندەۋىنە بايلانىستى ءوتىپ وتىرعاندىعىن ايتتى.
قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ ەلدەگى قوعامدىق-ساياسي كەلىسىمدى قامتاماسىز ەتىپ، العا باسۋ ءۇشىن، الەۋمەتتىك-ەكونوميكالىق ماقسات-مىندەتتەردى لايىقتى جۇزەگە اسىرۋ، ىشكى جانە سىرتقى ساياساتتاعى ساباقتاستىق پەن تۇراقتىلىقتى ساقتاۋ، ەلباسى ۇسىنعان الەۋمەتتىك باعدارلامالاردى ويداعىداي ىسكە اسىرۋ ءۇشىن تاعدىرلى شەشىم قابىلداعاندىعىن، قازاقستان دەموكراتيالىق مەملەكەت بولعاندىقتان، پرەزيدەنت حالىقتىڭ تاڭداۋىمەن سايلاناتىندىعىن، حالقىمىزدىڭ الدىندا ەلباسىنىڭ سەنىمىن اقتايتىن قوعام قايراتكەرىن، لايىقتى تۇلعانى سايلاۋ مىندەتى تۇرعاندىعىن جانە اتالعان ماسەلەلەرگە وراي، پارتيانىڭ ايماقتىق فيليالىنىڭ كەزەكتەن تىس ححح كونفەرەنسياسى شاقىرىلدى دەگەن ەرالى توعجانوۆ، «Nur Otan» پارتياسى ماڭعىستاۋ وبلىستىق فيليالى ءتوراعاسى ءبىرىنشى ورىنباسارى بولىپ تاعايىندالعان ەلۋباي جاقاي ۇلى ءابىلوۆتى كوپشىلىككە تانىستىرىپ، ەلباسى، پارتيا ءتوراعاسى نۇرسۇلتان ءابىش ۇلى جۇكتەگەن پارتيالىق جوبالاردى جۇزەگە اسىرۋعا كۇش-جىگەرىن جۇمسايدى دەگەن سەنىم ءبىلدىردى.
كونفەرەنسيانىڭ وكىلەتتىلىك نورماسىنا سايكەس 27 351 پارتيا مۇشەسىنەن 200 دەلەگات سايلانىپ، ولار تولىق قاتىستى.
كونفەرەنسيا جۇمىسىنا «Nur Otan» پارتياسى وبلىستىق فيليالى ساياسي كەڭەسىنىڭ مۇشەلەرى، پارتيا ارداگەرلەرى، بارلىق دەڭگەيدەگى ءماسليحاتتارداعى دەپۋتاتتىق فراكسيالاردىڭ مۇشەلەرى، جەرگىلىكتى اتقارۋشى ورگانداردىڭ باسشىلارى، باستاۋىش پارتيا ۇيىمدارىنىڭ ءتوراعالارى مەن بۇقارالىق اقپارات قۇرالدارىنىڭ وكىلدەرى، «جاس وتان» جاستار قاناتىنىڭ مۇشەلەرى قاتىستى.
ەسكە سالا كەتەيىك ەلباسى، «نۇر وتان» پارتياسىنىڭ ءتوراعاسى نۇرسۇلتان نازاربايەۆ اعىمداعى جىلدىڭ اقپان ايىندا وتكەن سەزدە ينجەنەرلىك-الەۋمەتتىك ينفراقۇرىلىمدى، پەرسپەكتيۆالىق اۋىلداردى دامىتۋعا باعىتتالعان «اۋىل – ەل بەسىگى»، «قۇتتى مەكەن»، «حالىققا كومەك» جانە «باقىتتى وتباسى» جوبالارىن جاريالاپ، جاڭا مىندەتتەردى اتاپ كورسەتكەن بولاتىن. بۇل رەتتە «Nur Otan» پارتياسى ماڭعىستاۋ وبلىستىق فيليالى ءتوراعاسىنىڭ ورىنباسارى زۆيرا ەسبەرگەنوۆا بايانداما جاسادى.
ونىڭ ايتۋىنشا، اتالمىش پارتيالىق 4 جوبا تۋرالى 11-13 ءساۋىر ارالىعىندا 158 باستاۋىش پارتيا ۇيىمدارىنىڭ جينالىستارى مەن 7 اۋماقتىق فيليالداردىڭ كونفەرەنسيالارىندا كەڭىنەن تۇسىندىرىلگەن.
ماسەلەن، ءبىرىنشى جوبا «حالىققا كومەك» دەپ اتالادى.
ونىڭ اياسىندا وڭىردەگى قوعامدىق قابىلداۋ بولمەلەرىنىڭ جانىنان 8 ءبىرىڭعاي الەۋمەتتىك تەرەزە اشىلدى، وندا ءار ازامات وزىنە ىڭعايلى تاسىلمەن (كەلۋ، call ورتالىق، ەلەكتروندىق پوشتا ارقىلى، الەۋمەتتىك جەلى ارقىلى) ءوتىنىش بىلدىرە الادى. ءار قابىلداۋ بولمەسىندە موبيلدىك توپتار قۇرىلعان، ونىڭ قۇرامىنا مەملەكەتتىك ورگانداردىڭ، ۇكىمەتتىك ەمەس ۇيىمداردىڭ جانە بيزنەس وكىلدەرى كىردى. وتىنىشتەر «وسى جەردە جانە ءقازىر» پرينسيپىمەن قارالادى. ماڭعىستاۋ وبلىستىق، قالالىق، اۋداندىق فيليالىنىڭ قوعامدىق بولمەلەرىنە جىل باسىنان بارلىعى 576 ارىز –شاعىم كەلىپ ءتۇسىپ، ونىڭ 288ء-ى وڭ شەشىمىن تاپقان.
ەكىنشى ماڭىزدى جوبا – «باقىتتى وتباسى» دەپ اتالادى.
ونىڭ اياسىندا «Nur Otan» پارتياسى ماڭعىستاۋ وبلىستىق فيليالى جانىنان قۇرىلعان بالالاردىڭ قۇقىعىن قورعاۋ جونىندەگى جۇمىس توبىن جاساقتالىپ، جۇمىس جوسپار بەكىتىلگەن. قۇرامىندا مەملەكەتتىك ورگانداردىڭ، وبلىستىق ءماسليحات دەپۋتاتتارى، كاسىپكەرلەر ۇكىمەتتىك ەمەس ۇيىمداردىڭ وكىلدەرى، پارتيانىڭ بەلسەندى ازاماتتارى جانە بلوگەرلەر بار. اتالمىش توپتىڭ مۇشەلەرى 16 اقپاندا اقتاۋ قالاسى 34 شاعىن اۋداندىعى دوستىق ۇيىندە كوپ بالالى جانە جاعدايى تومەن وتباسىلارىنىڭ ازاماتتارىن قابىلداپ، ولاردىڭ ماسەلەلەرىن قاراعان.
«Nur Otan» پارتياسىنىڭ «مەكتەپ اسحانالارىن جاڭعىرتۋ» جوباسى بويىنشا وڭىرلىك ۆەدومستۆوارالىق ساراپتاما توبى قۇرىلدى. اتالعان توپ وڭىرىمىزدەگى 134 مەكتەپتىڭ 93-نە مونيتورينگ جۇرگىزگەن. بۇل جۇمىس الىدە جالعاسىن تابادى.
ءۇشىنشى جوبا - «اۋىل – ەل بەسىگى» دەگەن اتاۋعا يە.
جوبانىڭ ماقساتى – اۋىلدى الەۋمەتتىك-ەكونوميكالىق دامىتۋعا، اۋىل تۇرعىندارىنىڭ كاسىپكەرلىك قىزمەتىن جاڭعىرتۋعا جانە ولاردىڭ ءومىر ساپاسىن جاقسارتۋعا جاستاردىڭ بەلسەنە قاتىسۋىن قامتاماسىز ەتۋ ءۇشىن جاعداي جاساۋ. بيىل وڭىردە جالپى 3 كوۆوركينگ ورتالىعى اشىلادى. سونىڭ ىشىندە مۇنايلى اۋدانىندا اشىلدى. «مەكتەپ سپورتزالىن جاڭعىرتۋ» جوباسى بويىنشا وڭىردە 5 مەكتەپتىڭ سپورت زالى جاڭارتىلادى. اقتاۋداعى – 3 مەكتەپ، مۇنايلى اۋدانى بويىنشا – 2 مەكتەپتەگى سپورت زالدار جاڭعىرتىلادى. ەكىنشى – اۋىلدى كادرمەن قامتاماسىز ەتۋ. قولداۋ شارالارىن جاقسارتۋ ەسەبىنەن «ديپلوممەن اۋىلعا» جوباسىنىڭ اياسىندا مامانداردى تارتۋ جوسپارلانعان. ءۇشىنشى – اۋىلدا جاستار كاسىپكەرلىگىن دامىتۋ. اعىمداعى جىلى 2000 جاس مامان 500 شارۋا قوجالىعىنا تاعىلىمدامادان ءوتۋ ءۇشىن جىبەرىلەدى. تاعىلىمداما قورىتىندىسى بويىنشا كەم دەگەندە 500 جاستى ءىرى شارۋا قوجالىقتارىنا جۇمىسقا ورنالاستىرۋ، اگرو-وندىرىستىك كەشەن سالاسىندا كەمىندە 200 جاستار جوباسىن ىسكە قوسۋ جوسپارلانعان.
ءتورتىنشى ۇلتتىق جوبا – «قۇتتى مەكەن».
جوبانىڭ ماقساتى – ينجەنەرلىك جانە الەۋمەتتىك ينفراقۇرىلىمنىڭ دامۋ بارىسىنا پارتيالىق باقىلاۋ. وسى ماقساتتا ءۇش دەڭگەيلى باقىلاۋ جۇيەسى قۇرىلدى. ياعني اۋداندار مەن قالالار دەڭگەيىندە مونيتورينگىلەۋ توپتارى جۇمىس ىستەمەك. ولار تىكەلەي وبەكتىنىڭ وزىندە باقىلاۋدى قامتاماسىز ەتەدى. سونىمەن قاتار وبلىس دەڭگەيىندە ءماسليحاتتارداعى دەپۋتاتتىق فراكسيالار، پارتيالىق باقىلاۋ كوميسسيالارى جانە وزگە پارتيالىق ورگاندار قاراجاتتىڭ ماقساتتى جۇمسالۋىنا باقىلاۋ جۇرگىزەدى، سونىمەن قاتار جاعدايعا تالداۋ جاساپ، جەرگىلىكتى سيپاتتاعى ۇسىنىمدار اىرلەيدى. تاعى ءبىر ماڭىزدى ماسەلە، ورتالىق دەڭگەيدە جوبانىڭ ىسكە اسۋ بارىسى تۋرالى مەملەكەتتىك ورگاندار مەن پارتيالىق قۇرىلىمداردىڭ ەسەبى تىڭدالادى جانە پارتيانىڭ رەسپۋبليكالىق ماسشتابتاعى ۇستانىمى ازىرلەنەدى.
«وسىلايشا، جەرگىلىكتى جەردەگى، اۋىلدارداعى، اۋداندارداعى جانە قالالارداعى ءبىزدىڭ پارتيالاستارىمىز تۇرعىنداردىڭ ازاماتتىق بەلسەندىلىگىن ىنتالاندىرۋ، ازاماتتاردى الەۋمەتتىك ماڭىزدى ىسكە تارتۋ ءۇشىن مۇمكىندىك الادى. لاۋازىمدى تۇلعالاردىڭ اراسىندا سىبايلاس جەمقورلىققا، ۇرلىققا، نەمقۇرايلىلىققا قارسى ءىس-قيمىلدىڭ ءتيىمدى جاعدايلارى جاسالادى. بۇل دەگەنىمىز – بيۋدجەت قاراجاتى ماقساتتى جۇمسالماق. حالىق بەلگىلەنگەن مەرزىمدە ساپالى جولعا، تۇرعىن ۇيگە، كوممۋنيكاسياعا، وزگە دە الەۋمەتتىك جانە ينجەنەرلىك ينفراقۇرىلىمعا قول جەتكىزەدى»، - دەدى ءوز بايانداماسىندا زۆيرا ەسبەرگەنوۆا.
ال الەۋمەتتىك از قامتىلعان وتباسىلاردىڭ تابىسى مەن ءال-اۋقاتىن كوتەرۋگە باعىتتالعان پارتيالىق جوبالار تۋرالى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ مىندەتىن اتقارۋشى باتىربەك يبراشوۆقا ءسوز بەرىلدى.
سونداي-اق، ءسوز سويلەگەندەر قاتارىندا ارداگەر - ۇستاز، پارتيا ارداگەرى، ۇستازدار ديناستياسىنىڭ مۇشەسى ءلايلا جالعاسبايەۆا، «وزەنمۇنايگاز» كومپانياسىنىڭ ينجەنەرى جۇلدىز مۇحامبەتقالي قىزى، «ۆايناح» شەشەن-ينگۋش ەتنو-مادەني بىرلەستىگىنىڭ ءتوراعاسى كۋدۋز باماتگەرەيەۆ، اۋىلشارۋاشىلىعى سالاسىنىڭ ارداگەرى، ءتۇپقاراعان اۋدانىنىڭ قوعامدىق كەڭەس مۇشەسى، پارتيا ارداگەرى نۇرىم بولەكبايەۆ بولدى.
ماڭعىستاۋ وبلىستىق فيليالىنىڭ كەزەكتەن تىس ححح كونفەرەنسياسىنا ۇسىنىلعان ماسەلەلەر تولىق قارالعان سوڭ ەلباسى، «Nur Otan» پارتياسىنىڭ ءتوراعاسى نۇرسۇلتان نازاربايەۆتىڭ پارتيانىڭ كەزەكتى حVIII سەزىندە «اۋىل – ەل بەسىگى»، «حالىققا كومەك»، «قۇتتى مەكەن»، «باقىتتى وتباسى» اتتى پارتيالىق جوبالارىنا ايرىقشا ءمان بەرۋ كەرەكتىگى ايتىلدى. اتالعان پارتيالىق جوبالار اياسىندا حالىقتى الاڭداتقان وزەكتى ماسەلەلەرگە قاتىستى جەدەل پىكىر ءبىلدىرىپ، ەلىمىزدە بولعان كەز-كەلگەن وتكىر دە وزەكتى ماسەلەلەرگە بىردەن نازار اۋدارىپ، ولاردىڭ وڭتايلى شەشىلۋىنە بار كۇش-جىگەرىمىزدى جۇمساۋعا ءتيىستىمىز دەگەن وبلىس اكىمى، «Nur Otan» پارتياسى ماڭعىستاۋ وبلىستىق فيليالىنىڭ ءتوراعاسى ەرالى توعجانوۆ، ءسوزىنىڭ سوڭىن ەلباسى جۇكتەگەن وسى مىندەتتەردى ورىنداۋعا ۇلكەن ۇلەس قوساتىندىعىنا جانە حالىق تاڭداۋىن كورسەتەتىن پرەزيدەنتتىك سايلاۋعا قاتىستى ءىس-شارالار بارىسىندا جاۋاپكەرشىلىك تانىتاتىندىقتارىنا سەنىمدىمىن دەپ شارانى قورىتىندىلادى.
پىكىر قالدىرۋ