ماڭعىستاۋ وبلىسىنىڭ اكىمى ەرالى توعجانوۆ وندى اۋىلىنداعى ساپارىن كاسىپكەرلەردىڭ قولداۋىمەن سالىنعالى وتىرعان جاڭا مەشىتتەن باستادى. ول جوباسىمەن تانىسىپ، ىرگەتاسىن قۇيۋ راسىمىنە قاتىستى. مەشىتتىڭ جالپى جەر كولەمى -256 شارشى مەتر، مۇناراسىنىڭ بيىكتىگى 18 مەتر، كۇمبەزى 12، ال قابىرعاسى 5 مەتر. قۇلشىلىق ءۇيىنىڭ قۇرىلىس جۇمىستارى وسى جىلدىڭ قىركۇيەك ايىندا اياقتالادى دەدى، جوباعا جاۋاپتى ماماندار. ءوڭىر باسشىسى اۋدان اكىمى تىلەك كوشماعانبەتوۆكە مەشىتتىڭ ينفراقۇرىلىمىن باقىلاۋعا الۋ جۇمىستارىن تاپسىردى.

بۇدان كەيىن، وبلىس اكىمى وندى اۋىلىنىڭ تۇرعىندارىمەن كەزدەستى. كەزدەسۋ بارىسىندا اۋىل اكىمى ب.بالاپان ەلدى مەكەننىڭ الەۋمەتتىك-ەكونوميكالىق دامۋ كورسەتكىشتەرى تۋرالى باياندادى.

- وكرۋگتە بۇگىندە 242 وتباسى تۇرادى. تۇرعىنداردىڭ نەگىزى قىزمەت ءتۇرى مال شارۋاشىلىعى. اۋىلدا بارلىعى 32 شارۋا قوجالىعى جۇمىس جاساپ تۇر. «اتامەكەن» مەملەكەتتىك باعدارلاماسى جانە «اۋىل شارۋاشىلىعىن قارجىلاي قولداۋ» قورى ارقىلى بىرنەشە تۇرعىن نەسيە الىپ، قازىرگى تاڭدا ءوز كاسىپتەرىن دوڭگەلەتىپ وتىر جانە 5 اۋىل تۇرعىنى «بيزنەس باستاۋ» كۋرسىن وقۋدا، - دەدى ول.

2018 جىلدى قورىتىندىلاي كەلە اۋىل باسشىسى ءبىرقاتار يگى يستەردىڭ اتقارىلعاندىعىن، ونىڭ ىشىندە باسقۇدىق-بەكى اۋىز سۋىنىڭ ەكىنشى كەزەڭى اياقتالىپ، بەكى ەلدى مەكەنىنە كوشە جارىعى تارتىلعاندىعىن اتاپ ءوتتى.

ماڭعىستاۋ اۋدانى اكىمى ت.كوشماعانبەتوۆ تۇرعىنداردىڭ ءال-اۋقاتىن جاقسارتۋ ماقساتىندا ارنايى ءىس-قيمىل جوسپارى جاساقتالىپ، اۋدان مەن اۋىلدارداعى قوردالانىپ قالعان وزەكتى ماسەلەلەردى ۋاقىتىلى شەشۋ ءۇشىن وسى جوسپارعا ساي ءبىرقاتار جۇمىستار اتقارىلىپ جاتقانىن مالىمدەدى.

اۋدان ورتالىعىندا 3 اۋىسىمدىق وقىتۋدىڭ الدىن الىپ، وتكەن جىلى جاڭا 600 ورىندىق مەكتەپ پايدالانۋعا بەرىلگەن.

«اۋىل ەل بەسىگى» باعدارلاماسى اياسىندا وسى جىلى اۋداندا ەكى مەكتەپ، مادەنيەت ءۇيى مەن اۋىل كلۋبى كۇردەلى جوندەۋدەن وتەدى دەپ جوسپارلانۋدا.

جاقىندا باستاۋ العان «بيزنەس 3 كۇندە» جوباسىنا قاجەتتى ماتەريالدار الىنىپ، اۋداندا دايىندىق جۇمىستارى باستالىپ كەتكەندىگىن اتاپ كەتتى.

جيىن سوڭىندا ەرالى لۇقپان ۇلى اۋدان اكىمى مەن وبلىستىڭ باسقارما باسشىلارىنا ءابىش كەكىلبايەۆتىڭ 80 جىلدىق مەرەي تويىنا ارناپ جاساقتالعان رەسپۋبليكالىق ءىس-شارانىڭ جوعارى دەڭگەيدە وتۋىنە ءتيىستى ءبىرقاتار جۇمىستاردى اتقارۋعا تاپسىردى.