مۇنايلى استاناسىنىڭ كوشەلەرىندە «ماڭگىلىك دانق» اكسياسى ءوتتى.

بۇگىن 8 مامىر كۇنى - اتىراۋدىڭ 200-گە جۋىق تۇرعىنى اسكەري وركەسترمەن بىرگە ۇلى وتان سوعىسىنىڭ ارداگەرلەرىنىڭ سۋرەتتەرىمەن جەڭىس ساياباعىنداعى ماڭگىلىك الاۋعا گۇل شوقتارىن قويدى.

ءىس-شارا بارىسىندا باستارىن ولىمگە تىككەن ارداگەرلەرىمىزدىڭ ەرلىگىنە تاعزىم ەتكەن اتىراۋ قالاسى اكىمى ورىنباسارى ۇلىقبەك تنالييەۆ تۇرعىنداردى مەرەكەمەن ارنايى قۇتتىقتادى.

- «ماڭگىلىك داڭق» ۇلى جەڭىس كۇنىنە وراي ەل تىنىشتىعى ءۇشىن، بەيبىت ءومىر ءۇشىن سۇراپىل سوعىستا جانىن اياماي جاۋ سوققىسىنا توتەپ بەرىپ جەرىمىزدى قورعاپ قالعان اتا-بابالارىمىزدى، باتىر ارداگەرلەرىمىزدى ەسكە الۋعا ارنالعان،- دەدى قالا اكىمىنىڭ ورىنباسارى ۇلىقبەك تنالييەۆ.

شارا ۇلى وتان سوعىسىندا قازا تاپقان ساربازدار مەن بۇگىندە ارامىزدا جوق مايدانگەرلەردى ءبىر مينۋت ۇنسىزدىكپەن ەسكە الۋمەن باستاۋ الدى.

ايتا كەتەيىك، بيىل ۇلى وتان سوعىسى جەڭىسىنە 74 جىل.