اقش پرەزيدەنتى دونالد ترامپ رەسەيدى جاۋ سانامايدى. بۇل تۋرالى Qamshy.kz اقپارات اگەنتتىگى  تاسس سايتىنا سىلتەمە بەرە وتىرىپ جازادى.

مەملەكەت باسشىسى بەرليننىڭ ناتو الدىنداعى مىندەتتەمەلەرىنە سايكەس اسكەري شىعىنداردى ءجىو-دى 2 پايىزعا دەيىن كوتەرۋدى قالاماعانى ءۇشىن گەرمانيا ساياساتى تۋرالى ءسوز ەتتى. ونىڭ ايتۋىنشا، گەرمانيا "سولتۇستىك اعىن-2" گاز قۇبىرىن سالۋ ءۇشىن اي سايىن رەسەيگە ميللياردتاعان دوللار تولەيدى.

"كۇتىلگەندەي، ءبىز گەرمانيانى رەسەيدەن قورعاۋىمىز كەرەك. ءبىراق گەرمانيا «جاۋ» دەپ اتالاتىن مەملەكەتكە قۇن تولەيدى ەكەن"، - دەدى ترامپ، ءسوزىن جالعاي  وتىرىپ ماسكەۋدى وزدەرىنە قارسى قويعىسى كەلمەيتىنىن ايتتى.

ول ماسكەۋ جانە پەكينمەن قارىم-قاتىناستى جاقسارتقىسى كەلەتىنىن مويىندادى. "تەك اقىماق ادامدار كەلىسسوزدەر جۇرگىزبەيدى"، - دەدى امەريكاندىق ليدەر.

ەستەرىڭىزگە سالا كەتەيىك، اقش مەملەكەتتىك حاتشىسى مايكل پومپەو ايتقانداي، امەريكا "سولتۇستىك اعىن-2" قۇرىلىسىن اياقتاۋعا جول بەرمەۋ كەرەك. ونىڭ پىكىرىنشە، جوبانى جۇزەگە اسىرۋى ەۋروپا ساياساتىن ماسكەۋگە تاۋەلدى قىلادى.

"سولتۇستىك اعىن-2" - بۇل رەسەيدەن گەرمانياعا بالتىق تەڭىزىنىڭ تۇبىنەن سالىنىپ جاتقان گاز قۇبىر جوباسى. ول فينليانديا، شۆەسيا جانە دانيانىڭ اۋماقتىق سۋلارى نەمەسە ەكونوميكالىق ايماقتارى ارقىلى وتەدى.

اۋدارعان: بەك بايتاس