1-مامىر كۇنى رۋدنىي قالاسىندا اشىلعان اتتراكسيوندى قۇرىلىس كەزىندەگى اقاۋلارعا بايلانىستى جاۋىپ تاستادى دەپ جازادى Qamshy.kz اقپارات اگەنتتىگى Informburo.kz سايتىنا سىلتەمە جاساپ.
قالا تۇرعىندارى اينالانى شولۋ دوڭگەلەگىنىڭ كابينكالارىنىڭ كەرى اۋدارىلىپ تۇرعانىن ايتادى.

قالا اكىمىنىڭ كوممۋنالدىق ماسەلەلەر بويىنشا ورىنباسارى ءانۋار ەسكاتوۆتىڭ ايتۋىنشا، بۇزىلعان كابينالاردا ادام بولماعان، ال اتتراكسيوننىڭ جۇمىسىن 12-مامىر كۇنى توقتاتىپتى.
«ءبىز اقاۋلاردى تابۋ ءۇشىن مامانداردى شاقىردىق. ءسوزسىز، اتتراكسيون ساپاسىن قاراماعان جۇمىسكەرلەر مەن مەردىگەرگە شارا قولدانامىز. بارلىعىن جونىمەن تەكسەرەمىز. ءبىز قازىرگى ۋاقىتتا سەرتيفيكات ماسەلەسىمەن اينالىسىپ جاتىرمىز»، - دەدى اكىمنىڭ ورىنباسارى.
اتتراكسيون سالۋ ءۇشىن رۋدنىي اكىمدىگى قازىناسىنان 330 ميلليون تەڭگە ءبولىندى. جەرگىلىكتى تۇرعىندار اسا قىمبات اينالانى  شولۋ دوڭگەلەگىنىڭ سالىنۋىنا بىردەن قارسى بولدى. ءبىراق اكىمشىلىكتىڭ ويىنشا، 42-مەترلىك اتتراكسيون كىشكەنتاي قالانى ادەمى كورسەتۋ ءۇشىن كەرەك.

اۋدارعان: يلدار اديلچەنوۆ