ءازىربايجان استاناسى باكۋدە ءوتىپ جاتقان پارادزيۋدودان الەمدىك گران پري تۋرنيرىندە قازاقستاندىق سپورتشى ولجاس ورازالى قولا جۇلدەگەر اتاندى. 60 كەلىگە دەيىنگى سالماقتا سىنعا تۇسكەن الەم چەمپيونى ولجاس جارىس بارىسىندا 5 كەزدەسۋ وتكىزىپ، ونىڭ 4-ەۋىندە جەڭىسكە جەتتى دەپ حابارلايدى Qamshy.kz اقپارات اگەنتتىگى «سپورتتى دامىتۋ ديرەكسياسى» رمقك باسپا ءسوز قىزمەتىنىڭ مالىمەتىنە سۇيەنىپ.

جارىس ناتيجەسى بويىنشا ازەربايجاندىق شيرينلي ۆۋگار جارىس جەڭىمپازى اتانسا، بەلگيا سپورتشىسى الەكس بولوگا ەكىنشى ورىنعا تابان تىرەدى.

بايراقتى باسەكەدە 35 مەملەكەتتىڭ بالۋاندارى 2020 جىلى توكيودا وتەتىن پاراليمپيادا ويىندارىنا جولداما ۇپايلارىن ساراپقا سالۋدا.

12-15 مامىر ارالىعىندا ءوتىپ جاتقان دودادا ەل نامىسىن 4 سالماق دارەجەسىندە جەتى سپورتشى قورعاۋدا.

ۇسىنعان: مارجان سابەت