ق ر پرەزيدەنتى قاسىمجومارت توقايەۆ بۇگىن قىزىلوردا وبلىسىنا ارنايى بارىپ، ايماقتىڭ ەكونوميكالىق دامۋ قارقىنىمەن، حالىقتىڭ ال-اۋقاتىمەن تانىستى. ساپار بارىسىندا مەملەكەت باسشىسى "بايقوڭىر" ارنايى ەكونوميكالىق ايماعىن قۇرۋعا تاپسىرما بەردى دەپ حابارلايدى Qamshy.kz اقپارات اگەنتتىگى Vlast.kz سايتىنا سىلتەمە جاساپ.

"جەرگىلىكتى جولدار، سۋ جۇيەسى، ەلەكتر جارىعى جەلىسى، مادەني جانە سپورت كەشەندەرى، ءبارى جاڭارتىلۋى كەرەك. وسى باعىتتا وبلىستىق اكىمشىلىك ارنايى جوسپارلاردى دايىنداۋى شارت"، - دەدى توقايەۆ.

مەملەكەت باسشىسى ءوزىنىڭ بايقوڭىر قالاسى جايلى پىكىرىن بىلدىرە كەلىپ، بۇل ايماقتا ارنايى ەكونوميكالىق ايماق قۇرۋ قاجەتتىگىن جەتكىزدى.

"بايقوڭىر قالاسىنىڭ ينفراسترۋكتۋراسىن دامىتۋ جۇمىستارى استالدى. 30 جىل ىشىندە بۇل جاقتا ءبىرىنشى رەت كوپقاباتتى ءۇي مەن مەديسينالىق ورتالىق سالىنۋدا. 5 مەكتەپ قازاقستاندىق ستاندارتقا ساي ءبىلىم بەرۋ باعدارلاماسىنا كوشتى. كوممۋنالدىق مەكەمەلەرگە جوندەۋ جۇمىستارىن جۇرگىزۋ جانە التى تۇرعىن ءۇي مەن مەكتەپ قۇرىلىسى جوسپارلانۋدا"، - دەدى ول.

پرەزيدەنتتىڭ ايتۋىنشا، ايماق اكىمشىلىگى بايقوڭىردى دامىتۋ جونىندەگى باعىتتى انىقتاپ، جەدەل ارادا اەا قۇرۋ كەرەك.

"بۇل قالادا ورنالاسقان عارىش ايلاعى تۇرعىندارعا، كومپانيالارعا كوپ ىقپال ەتەدى. ويتكەنى، وسى عارىش ايلاعى ارقىلى ءىرى كومپانيالار مەن ءتۇرلى تەحنولوگيالىق ستارتاپتاردى باستاۋعا بولادى"، - دەدى توقايەۆ.

اۋدارعان: ادىلەت مادەنيەت