وبلىس ورتالىعىندا جاندىكتەرگە قارسى جۇمىستارمەن 20 دەزينفەكتورلار اينالىسۋدا، دەپ حابارلايدى Qamshy.kz اقپارات اگەنتتىگى اتىراۋ قالاسى اكىمدىگىنىڭ باسپا ءسوز قىزمەتىنىڭ دەرەگىن نەگىزگە الىپ. 

اتىراۋدا جەرگىلىكتى بيلىك ماسامەن كۇرەسۋ جۇمىستارىن باستادى. قالا جانە قالا ماڭىنداعى ەلدى-مەكەندەردەگى دەزينفەكسيالاۋ جۇمىستارىمەن "AG Dەsinfection Services" ج ش س اينالىساتىن بولادى. شىبىن-شىركەيلەردى قۇرتۋ جۇمىستارى قالا كوشەلەرىندە، اشىق توعانداردا، ءۇي جەرتولەلەرىندە، ساياباقتاردا، مادەني جانە دەمالىس ورىندارىندا جانە قالا ماڭىنداعى ەلدى-مەكەندەردە جۇرگىزىلەدى.

- قان سورعىش جاندىكتەرمەن كۇرەسۋ جۇمىستارىنا جەل مەن ءتۇتىن گەنەراتورلارى، سۋ تاسىمالداۋشى كولىكتەر مەن تراكتورلار، سونداي-اق قاراشا ايىنا دەيىن 4 اۋىسىمدا جۇمىس ىستەيتىن 20 دەزينفەكتورلار تارتىلعان. دەزينفەكسيا قالانىڭ بارلىق شاعىن اۋداندارىندا تاڭەرتەڭ، كۇندىز، كەشكى جانە تۇنگى ۋاقىتتار دا جۇرگىزىلەدى، - دەدى «AG Desinfection Services » ءجشس-نىڭ ەنتومولوگى ايناگۇل داۋلەتياروۆ.

تۇرعىن ۇي-كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى ءبولىمىنىڭ سەكتور مەڭگەرۋشىسى كەنجەبەك كاماليدەنوۆتىڭ ايتۋىنشا، 2019 جىلى شامامەن 40 ميلليون شارشى مەتر اۋماقتا ماسالاردى جويۋ جۇمىستارى جۇرگىزىلەتىن بولادى دەپ ناقتىلادى.

ۇسىنعان: اسەل بولات قىزى