جاڭا كتك-نىڭ قولدانىسقا بەرىلۋى وبلىس ورتالىعىنىڭ سول جاعالاۋىنداعى كارىز قورىن تازالاۋ ماسەلەسىن شەشەدى، ول اعىمداعى جىلدىڭ سوڭىنا جوسپارلانعان، دەپ حابارلايدى اتىراۋ وبلىسىنىڭ وڭىرلىك كوممۋنيكاسيالار قىزمەتى.

قۇرىلىستىڭ ماقساتى – ەكولوگيالىق جاعدايدى جاقسارتۋ، سول جاعالاۋ درەناجدارىنىڭ ءۇزىلىسسىز كەتۋىن قامتاماسىز ەتۋ.

مەردىگەر مالىمدەگەندەي، قازىرگى ۋاقىتتا بۋلانۋ الاڭدارىن، تازارتىلماعان اعىندى سۋلاردى، تۇنبا الاڭدارىن، بيورەاكتوردى، قوسىمشا تۇندىرۋ سيستەرنالارى مەن تەحنولوگيالىق پروسەستىڭ باسقا دا وبەكتىلەرىن سالۋ بويىنشا جۇمىستار جۇرگىزىلۋدە. نەگىزگى اعىن سورعى ستانسياسى تەحنولوگيالىق جابدىقتاردى ورناتۋعا دايىن.

-قالاداعى تۇرمىستىق اعىن-سۋ بىرنەشە كەزەڭمەن تازارتىلادى. كتك-نە كىرەتىن اعىندار تەحنيكالىق دەڭگەيدە وڭدەلەدى جانە تەحنيكالىق قاجەتتىلىكتەر ءۇشىن پايدالانىلۋى مۇمكىن. مىسالى، تازارتىلعان سۋ ءونىم بەرمەيتىن داقىلداردى سۋارۋعا جارامدى، ال سۋارمالى جەرلەردە زارارسىزداندىرىلعان ورگانومينەرالدى پرەپاراتتى تىڭايتقىش رەتىندە قولدانۋعا بولادى،- دەپ حابارلادى «پاۆلودار وزەن پورتى» اق جوبا مەنەدجەرى اسىلبەك اناربايەۆ.

قالانىڭ سول جاعالاۋى ءۇشىن اعىندى سۋلاردى تازارتۋ قوندىرعىسى قالانىڭ شىعىس جانە وڭتۇستىك-شىعىس بولىگىندە ورنالاسقان. كەشەننىڭ قۇرامىنا كارىزدىك كاناليزاسيا الاڭى، اعىندى سۋلاردى تازارتۋ قوندىرعىلارى، بيولوگيالىق توعاندار مەن بۋلانۋ الاڭدارى، سونداي-اق ،تازارتىلعان جانە وڭدەلمەگەن اعىن سۋلاردى تازارتۋ، قولدانىستاعى سورعى ستانسيالارىن قوسۋ كىرەدى.

- نىسان قۋاتتىلىعى تاۋلىگىنە 70 000 كۋب مەتر اعىندى قۇرايدى. اتالعان جوبا 100 000 كۋب مەترگە دەيىن كەڭەيتۋگە جوسپارلانعان. نىساندى سىناق مەرزىمدە ىسكە قوسۋ 6 اي كولەمىنە ەسەپتەلىپ، اعىمداعى جىلدىڭ قاراشا ايىنا جوسپارلانعان، - دەيدى اتىراۋ وبلىستىق قۇرىلىس باسقارماسىنىڭ باسشىسى مالىك امانوۆ.

ايتا كەتەيىك، جوبانىڭ باس مەردىگەرى «پاۆلودار وزەن پورتى» اق. بۇرىن، ايماق باسشىسى نۇرلان نوعايەۆ «اتىراۋ سۋ ارناسى» باسشىسىنا قۇرىلىس جۇمىستارىنا بەلسەنە قاتىسۋ جونىندە تاپسىرما بەرگەن بولاتىن. كەيىن بۇل نىسان اتالعان كوممۋنالدىق مەكەمە قاراماعىنا بەرىلەتىن بولادى.

ايتا كەتۋ كەرەك، جاڭا كتك ىسكە قوسىلعاننان كەيىن، جىلدار بويى قالا تۇرعىندارىنىڭ نارازىلىعىن تۋدىرعان قولدانىستاعى «تۋحلايا بالكا» جابىلادى. اعىندى سۋلار اعىنى بۋلانۋ الاڭدارىنا ەنگەنگە دەيىن جاڭا كتك-نىڭ كومەگىمەن جەر استى سۋلارىن، توپىراقتى جانە اتموسفەرالىق اۋانى تازارتۋدىڭ تولىق سيكلىنەن وتەدى.