قمدب-نىڭ وسكەمەن ايماقتىق وكىلدىگىنىڭ باستاماسىمەن وسكەمەندە ەلىمىزدە تۇڭعىش رەت «رامازان اتا» جوباسى جۇزەگە اسا باستادى دەپ جازادى Qamshy.kz اقپارات اگەنتتىگى.
قاسيەتتى جۇما كۇنى «رامازان اتا» وسكەمەن قالاسىنداعى مۇمكىندىگى شەكتەۋلى بالالارعا ارنالعان «ارناۋلى مەكتەپ ينتەرناتىنا» بارىپ، ونداعى بالعىندارعا «رامازان سىيىن» ۇلەستىرىپ، ەلىمىزگە بەيبىتشىلىك تىلەپ، اق باتاسىن بەردى.
«رامازان اتا» – وكىلدىكتىڭ يدەياسىمەن جۇزەگە اسقان، ۇلتتىق قۇندىلىقتاردى ءداستۇرلى يسلاممەن ۇيلەستىرە دامىتىپ، جاستارعا تانىمدىق تاربيە بەرۋ ماقساتىنداعى جوبا. «رامازان اتانى» مەكەمەلەر اسا جىلى ىقىلاسپەن قابىلداپ، ءقازىردىڭ وزىندە ارنايى شاقىرۋ بەرىپ جاتىر»،– دەپ اتاپ ءوتتى وبلىستىق «حاليفا التاي» مەشىتىنىڭ قىزمەتكەرى.
جوبا قازاقتىڭ ءداستۇرلى تانىمىن ناسيحاتتاۋ، ۇلتتىق قۇندىلىقتاردى جاڭعىرتۋعا باعىتتالعان. اتا-ۇلتىمىزدىڭ تانىمىندا بەرەكەتتىڭ، جاقسىلىقتىڭ، يگىلىكتىڭ بەلگىسى. اياز اتاعا بالاما رەتىندە وسىنداي «رامازان اتالار» شىعىپ، باتا بەرىپ، بازارلىق ۇلەستىرىپ جۇرسە قانداي جاراسىمدى بولار ەدى. وسىنداي ءساتتى جوبا شىعىستا باستاۋ الىپ وتىر.
«رامازان اتا» وكىلدىكتەن ۇيىمداستىرىلاتىن بارلىق قايىرىمدىلىق شارالارىنا قاتىسادى.
شىعىس قازاقستان وبلىستىق
«حاليفا التاي» مەشىتىنىڭ باسپا ءسوز قىزمەتى
ۇسىنعان: اسەل بولات قىزى
پىكىر قالدىرۋ