اتىراۋدا جاستارعا ارنالعان ءۇشىنشى بيزنەس-فەستيۆال ءوتتى.
British Council (بريتاندىق كەڭەس) «شيەۆرون» كومپانياسىمەن جانە اتىراۋ وبلىستىق اكىمدىگىمەن سەرىكتەستىكتە جۇزەگە اسىرىپ جاتقان «I-SEED: يننوۆاسيالار – الەۋمەتتىك كاسىپكەرلىك جانە ءبىلىم بەرۋ» جوباسىنىڭ شەڭبەرىندە اتىراۋ مۇناي جانە گاز ۋنيۆەرسيتەتىندە جاستارعا ارنالعان جىل سايىنعى ءۇشىنشى «سامعاۋ» بيزنەس-فەستيۆالى ءوتتى. العاشقى ەكى فەستيۆال 2017، 2018 جىلدارى ءوتتى، ولارعا 700-گە تارتا جاستار قاتىستى.
«سامعاۋ» فەستيۆالىنىڭ ماقساتى – مەكتەپ وقۋشىلارى مەن ستۋدەنتتەردىڭ اراسىندا كاسىپكەرلىكتى ناسيحاتتاۋ جانە ولاردىڭ كاسىپكەرلىك ماشىقتارىن جاتتىقتىرىپ، تارتىمدى ءارى قىزعىلىقتى تۇردە دامىتۋىنا مۇمكىندىك بەرۋ. فەستيۆالدە قوناقتار ءتۇرلى جۇلدەلى كونكۋرستار مەن ۇتىس ويىندارىنا قاتىسىپ، ۇستەل ويىندارى مەن بيزنەس-ويىندارىنا قاتىسا الادى، بيزنەس جۇرگىزۋدىڭ سان الۋان قىرلارى تۋرالى تابىستى كاسىپكەرلەردىڭ اڭگىمەسىن تىڭداۋعا دا مۇمكىنشىلىك بار.
سونداي-اق فەستيۆالدە اتىراۋدىڭ جاڭادان باستاعان الەۋمەتتىك كاسىپكەرلەرى اراسىندا “ستارتاپ شايقاسى” بايقاۋىنىڭ «كورەرمەن كوزايىمى» جۇلدەسىنىڭ جەڭىمپازى جاريالاندى. جەڭىمپاز 29 ءساۋىر مەن 10 مامىر ارالىعىندا حالىقتىق ونلاين-داۋىس بەرۋ ارقىلى انىقتالدى. ول Alim Design جوباسىمەن الدىعا شىققان باۋىرجان ۋمرالييەۆ. جەڭىمپاز اتانعان باۋىرجان “شيەۆرون” كومپانياسىنان ءوز بيزنەسىن ودان ءارى دامىتۋعا جۇلدە رەتىندە 3 000 دوللار الدى.
اتىراۋ مۇناي جانە گاز ۋنيۆەرسيتەتىنىڭ ستراتەگيالىق دامۋ جونىندەگى پرورەكتورى ەربول تەمىرعالي ۇلى نۇرپەيىسوۆ اتاپ وتكەندەي، اتىراۋ جاستارىنىڭ جان-جاقتى، سونىڭ ىشىندە الەۋمەتتىك كاسىپكەرلىك باعىتىندا دامىپ كەلە جاتقانى قۋانتادى.
«I-SEED اتىراۋ» اياسىندا وتكىزىلەتىن «سامعاۋ» بيزنەس-فەستيۆالى اتىراۋ مۇناي جانە گاز ۋنيۆەرسيتەتىنىڭ قابىرعاسىندا ءۇشىنشى رەت وتكىزىلۋدە جانە ءبىز بيزنەستەگى جاڭا تاسىلدەردى بىلگىسى كەلەتىن، تابىستى كاسىپكەرلەردەن تاجىريبەلىك ۇسىنىستار الۋعا، ۋاقىتىن قىزىقتى وتكىزگىسى كەلەتىن جۇزدەگەن جاستاردى قابىلداۋعا دايىنبىز» دەيدى ول.
«سامعاۋ» بيزنەس-فەستيۆالىنىڭ وتكىزىلۋىنە نەگىز بولعان «I-SEED اتىراۋ» جوباسى – جاستاردىڭ تابىستى مانساپ قۇرۋى جانە بەلسەندى ازاماتتىق ۇستانىمىن دامىتۋى ءۇشىن قاجەتتى ءبىلىمى مەن ماشىقتارىن جەتىلدىرۋدە قولداۋ كورسەتۋ ماقساتىندا 2017 جىلدان باستاپ ىسكە اسىپ كەلەدى. بۇدان بۇرىن I-SEED الماتى جانە استانا قالالارىندا 2013 جىلدان باستاپ بەس جىل بويى ءساتتى ءوتتى.
“شيەۆرون” كومپانياسى وسى جوبانى جۇزەگە اسىرا تۇرىپ اتىراۋ قالاسىنىڭ 1600-دەن استام وقۋشىلارى مەن ستۋدەنتتەرىن كاسىپكەرلىككە وقىتىپ، قالا جاستارىنىڭ دامۋىنا قولداۋىن بىلدىرەدى. جاستار سونداي-اق حاكاتون، ستارتاپ-باتتل، نەتۆوركينگ جانە فەستيۆالدەر سياقتى جوبا اياسىندا وتكىزىلەتىن ءىس-شارالارعا قاتىسادى. “سامعاۋ” بيزنەس-فەستيۆالى جاستارعا ءوز ويلارىن ورتاعا سالىپ، باسقا دا بيزنەس-يدەيالارمەن تانىسۋعا مۇمكىندىك بەرەدى. ولار بيزنەس-ويىندار مەن كۆەستەرگە قاتىسىپ، تابىستى مانساپ قۇرۋدى ۇيرەنىپ، بولاشاقتا ءوز ءىسىن جۇرگىزۋ ءۇشىن ىسكەرلىك جانە ومىرلىك داعدىلارىن دامىتادى. سونداي-اق ولار جاي عانا دوستارىمەن، اتا-انالارىمەن بوس ۋاقىتارىن جاقسى، ساپالى جانە پايدالى وتكىزە الادى” – دەيدى “شيەۆرون”كومپانياسىنىڭ وكىلى انار نۇربايەۆا.
پىكىر قالدىرۋ