جىلىوي اۋدانىنىڭ ورتالىق مەشىتىنە قىزمەتتىك كولىك سىيعا تارتىلدى.

تەمىر تۇلپاردىڭ كىلتىن  قازاقستان مۇسىلماندارى ءدىني باسقارماسىنىڭ اتىراۋ وبلىسى بويىنشا وكىلى، ورتالىق «يمانعالي» مەشىتىنىڭ باس يمامى باتىرجان مانسۇروۆ جىلىوي اۋدانىنىڭ باس يمامى ارمان يسايەۆقا سالتاناتتى جاعدايدا جۇما نامازى كەزىندە تابىس ەتتى.

ورتالىق «يمانعالي» مەشىتىنىڭ باسپا ءسوز قىزمەتى حابارلاعانداي، جۇما نامازى الدىندا جاماعات الدىندا ءسوز سويلەگەن اتىراۋ وبلىسىنىڭ باس يمامى باتىرجان مانسۇروۆ سۋ جاڭا Renault Duster كولىگىن مەشىتكە سىيعا تارتقان جەرگىلىكتى كاسىپكەر، «ماكو» ج ش س باسشىسى كەلباتىر قۇلعازييەۆكە العىس ايتىپ، يىعىنا شاپان جاپتى.

«اسىل ءدىنىمىزدىڭ دامۋى جولىندا كەلباتىر قۇلعازييەۆ اعامىز ۇنەمى ءوز ۇلەسىن قوسىپ كەلەدى. جۇرەگى ءدىن دەپ سوققان اعامىز بۇعان دەيىن رەسپۋبليكالىق، وبلىستىق دەڭگەيدە وتكەن ازان جارىسى، قۇران جارىسىنا دەمەۋشىلىك جاساپ، مەدرەسە، مەشىت قۇرىلىستارىنا قارجىلاي قولداۋ كورسەتىپ ءجۇر. اللا رازىلىعى جولىندا اتقارىپ جاتقان يگى ىستەرىڭىزدىڭ ساۋابى مول بولعاي» دەپ اتاپ ءوتتى وبلىستىڭ باس يمامى باتىرجان مانسۇروۆ.

سالتاناتتى شارا بارىسىندا «ماكو» ج ش س باسشىسى كەلباتىر قۇلعازييەۆ ايماقتا، سونىڭ ىشىندە جىلىوي اۋدانىندا يماندىلىق، ىزگىلىك، اسىل ءدىنىمىزدى تاراتۋ جولىندا يگى جۇمىستاردىڭ جۇرگىزىلىپ جاتقانىن ايتتى. «جىلىويدىڭ ورتالىق مەشىتى اشىلعان ۋاقىتتا جاماعاتتىڭ سانى ءارى كەتسە بەس-التى ادامنان اسپايتىن ەدى. ءقازىر جاماعاتتىڭ سانى 2000-نان استى. جۇما نامازى كەزىندە جاماعات مەشىتكە سىيماي كەتەدى. بۇل كەرەمەت كورىنىس» دەپ اتاپ ءوتتى ول.

قاسيەتتى رامازان ايىنداعى يگى جاڭالىقتى جەرگىلىكتى جاماعات  قۋانا قابىلدادى.