قازاقستاننىڭ باس پروكراتۋراسى قازاقستاندىقتاردى سايلاۋ تۋرالى زاڭنىڭ تالاپتارىن بۇزباۋعا شاقىردى دەپ حابارلايدى Qamshy.kz اقپارات اگەنتتىگى ق ر باس پروكۋراتۋراسىنىڭ باسپا ءسوز قىزمەتىنە سىلتەمە جاساپ.

"قازاقستان رەسپۋبليكاسىنىڭ باس پروكۋراتۋراسى ەل پرەزيدەنتىنىڭ كەزەكتەن تىس سايلاۋى بارىسىندا زاڭدىلىقتى، ونىڭ ىشىندە "قازاقستان رەسپۋبليكاسىنداعى سايلاۋ تۋرالى" كونستيتۋسيالىق زاڭدا كوزدەلگەن قوعامدىق پىكىرگە ساۋال سالۋدى جۇرگىزۋ شارتتارىنىڭ ساقتالۋىن ەرەكشە باقىلاۋدا ۇستاۋدا"، - دەلىنگەن حابارلامادا.

قۇزىرلى ورگان وكىلدەرىنىڭ ايتۋىنشا، وسىعان دەيىن الەۋمەتتىك جەلىلەردە سايلاۋعا قاتىستى ساۋالناما جۇرگىزگەن بىرنەشە قۇقىق بۇزۋشىلىق فاكتىلەرى تىركەلگەن. ناتيجەسىندە، قۇقىق بۇزۋشىلار اكىمشىلىك جاۋاپكەرشىلىككە تارتىلدى.

"اتاپ ايتقاندا، 17 مامىردا "ۆكونتاكتە" الەۋمەتتىك جەلىسىندە سايلاۋ بويىنشا قوعامدىق پىكىرگە ساۋال سالعانى ءۇشىن (اقبتك 120-بابى 3-تارماعى) الماتى قالاسىنىڭ تۇرعىنى 15 اەك مولشەرىندە (37 875تگ) ايىپپۇل تولەۋگە تارتىلعان. وسىعان ۇقساس "Facebook" الەۋمەتتىك جەلىسىندە جاسالعان قۇقىق بۇزۋشىلىق ءۇشىن الماتى وبلىسىنىڭ تۇرعىنى اكىمشىلىك جاۋاپتىلىققا تارتىلدى"، - دەدى پروكۋرورلار.

حابارلاما سوڭىندا پروكۋراتۋرا وكىلدەرى، ازاماتتارعا مۇقيات بولىپ، الەۋمەتتىك جەلىلەردەگى جەكە اككاۋنتتارىن ءۇشىنشى تۇلعالاردىڭ قۇقىققا قايشى ماقساتتاردا پايدالانۋىنا جول بەرمەۋگە شاقىردى.

ۇسىنعان: داۋرەن سىبانباي