ۋكراينا پرەزيدەنتى ۆلاديمير زەلەنسكيي "سمارتفون ىشىندەگى مەملەكەت" باعدارلاماسىن جۇزەگە اسىرۋدى ارماندايتىنىن مالىمدەدى دەپ حابارلايدى Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ.
"مەنى اڭعال، قيالي ادام دەپ ويلاي بەرىڭىزدەر. ءبىراق ءبىز "سمارتفون ىشىندەگى مەملەكەتتى"، "سمارتفونداعى ۇكىمەتتى" شىنىمەن دە جاساعىمىز كەلەدى. ونىڭ ۋاقىتى كەلدى"، - دەپ مالىمدەدى زەلەنسكيي ينتەرنەت-يننوۆاسيا فورۋمىندا.
ونىڭ ايتۋىنشا، بۇل باعدارلاما 4 دەڭگەيدى قاراستىرادى: مەملەكەت تۋرالى اقپارات، مەملەكەتپەن بايلانىس ورناتۋ، مەملەكەتتىك مامىلەلەر جانە مەملەكەتتىك باسقارۋعا قاتىسۋ.
"مىسالى، جۇمىسقا كەتىپ بارا جاتىپ تەك جاڭالىقتار وقىپ، اۋا-رايىن ءبىلىپ قانا قويمايسىڭ، قانداي زاڭ جوبالارى قابىلدانىپ جاتقانىن باقىلايسىڭ جانە ولاردى وزگەرتۋگە ارالاسا الاسىڭ، كىمدەر تاعايىندالىپ جاتقانىن بىلەسىڭ، وسىنىڭ بارلىعىنا ءوزىڭ وزگەرتۋ ەنگىزۋىڭە بولادى، كەرەمەت ەمەس پە؟! سول سەبەپتى مەن شىنىمەن دە "سمارتفونداعى مەملەكەتتى" ارماندايمىن، ءبىزدىڭ ۋكراينا الەمدە ءبىرىنشى بولعانىن قالايمىن"، - دەدى زەلەنسكيي.
دايىنداعان: مارجان سابەت
