Tele2 AB توبى بىرلەسكەن كاسىپورىنداعى ءوز ۇلەسىنىڭ باعاسى جونىندە «قازاقتەلەكوممەن» كەلىستى، دەپ حابارلايدى Qamshy.kz اقپارات اگەنتتىگى Zakon.kz cايتىنا سىلتەمە جاساپ. 

قازىرگى ءپاسسيۆتى مىندەتتەمەلەرىن ساناماعاندا، Tele2ء-نىڭ تازا تابىسى 169 ملن دوللاردى قۇرايتىن بولادى. سونىمەن قاتار Tele2 اكسيونەرىنىڭ 80 ملرد تەڭگەلىك نەسيەسى تولىق وتەلەدى.

Tele2ء-نى ساتۋ ماۋسىمنىڭ سوڭىندا اياقتالادى.

«Tele2 قازاقستاندا ءساتتى بيزنەس قۇردى. بىرلەسكەن كاسىپورىن كليەنتتەر بازاسىن ايتارلىقتاي ۇلعايتىپ، تابىسىن، نارىقتاعى ۇلەسىن كەڭەيتتى. Tele2 قازاقستانعا كىرگەن كەزدەن بەرى ءبىر كليەنتكە شاققانداعى ءموبيلدى ينتەرنەتتى تۇتىنۋ ءجۇز ەسە ءوستى. مەن قازاقستاندا قالدىرعان مول مۇرامىزدى ماقتان ەتەمىن»، – دەدى Tele2 پرەزيدەنتى مەن باس اتقارۋشى ديرەكتورى اندەرس نيلسسون.

Tele2 AB توبى مەن «قازاقتەلەكوم» ءموبيلدى بايلانىس سالاسىنداعى بيزنەستەرىن بىرىكتىرۋ تۋرالى 2015 جىلدىڭ قاراشاسىندا كەلىسكەن بولاتىن. شۆەسيالىق وپەراتوردىڭ 3 جىلدان كەيىن اكسياداعى ءوز ۇلەسىن ساتۋ قۇقىعى بولعان، 2018 جىلدىڭ سوڭىندا كومپانيا سول قۇقىعىن پايدالاناتىن بولىپ شەشتى.

قازاقستاننان Tele2 كەتكەننەن كەيىن «قازاقتەلەكوم» ەلدەگى 4 وپەراتوردىڭ ۇشەۋىن باقىلايتىن بولادى: Kcell، Tele2 جانە Altel.

ەندى ەلىمىزدەگى ءموبيلدى بايلانىس نارىعىندا تەك Beeline عانا تاۋەلسىز ويىنشى بولىپ قالادى.

ۇسىنعان: مارجان سابەت