بەلسەندى ارداق ءاشىم ءوزىنىڭ Facebook پاراقشاسىنداعى تىكەلەي ەفيردە 9-ماۋسىم كۇنى وتەتىن كەزەكتەن تىس پرەزيدەنت سايلاۋىنا قاتىستى ءوز ويىن ءبىلدىردى دەپ جازادى Qamshy.kz اقپارات اگەنتتىگى.

ونىڭ پايىمداۋىنشا، سايلاۋدا توقايەۆ نەمەسە قوسانوۆ جەڭسە دە، نازاربايەۆتىڭ سوزىمەن عانا جۇرەدى. ول ءوزى بايكوت جاريالاۋعا شاقىرۋدا.

“نازاربايەۆ بيلىكتى باسقارۋدا. ول وزىنە ءقاۋىپتى ادامدى سايلاۋعا جىبەرمەيدى. قوسانوۆتى قولدايتىن زيالىلار كوپ ەكەن. ءبىراق حالىق ولاردىڭ سوزىنە سەنىپ، الدانىپ جاتىر. قوسانوۆتىڭ بۇرىن جاسارال قۋانىشالين اعامىز سايلاۋعا تۇسكىسى كەلدى. ءبىراق بيلىك تاراپىنان ءارتۇرلى كەدەرگىلەر ويلاپ تاپتى. ول كىسى وتە المادى. ويتكەنى، ول ءوز كوزقاراسى قالىپتاسقان ساياساتكەر بولاتىن. سايلاۋعا تەك بيلىكتىڭ قۋىرشاق ادامدارى قانا وتەدى. 30 جىلدا بىزدە ەشقانداي سايلاۋ بولعان ەمەس، بولمايدى دا. ءبىزدىڭ بويكوت جاريالاپ وتىرعان سەبەبىمىز – زاڭسىز سايلاۋدى بولدىرماۋ”، - دەدى ارداق ءاشىم.

ونىڭ ايتۋىنشا، بۇل سايلاۋ قازاقستان رەسپۋبليكاسىنىڭ كونستيتۋسياسىن بۇزىپ وتىر.

“ەگەر زاڭ بويىنشا ۇمىتكەر مەملەكەتتە سوڭعى 15 جىل تۇرۋ كەرەك بولسا، نەگە قاسىم-جومارت توقايەۆ پرەزيدەنتتىكە وتەدى”، - دەپ ويىن اياقتادى.

ونىڭ ويىنشا، ەگەر بارلىعى زاڭ بويىنشا وتسە، شەت ەلدەرگە قۋىلعان ساياساتكەرلەر قايتا ورالىپ، سايلاۋعا تۇسەدى. مىسال رەتىندە، مۇحتار ءابليازوۆ پەن اكەجان قاجىگەلديندى ەسكە الدى.

“2 جىلداي دۆك قوزعالىسىنىڭ باسشىسى مۇحتار ءابليازوۆ كۇن سايىن قازاقستاندىقتاردىڭ ساياسي ءبىلىمىن اشتى. ول ەلىم، جەرىم دەپ تەر توگىپ جۇرگەن ازامات. ونى بيلىك قاراقشى رەتىندە كورسەتتى”، - دەدى ارداق ءاشىم.

ءسوزىنىڭ سوڭىندا ول قىتايلىقتاردىڭ قازاقستان جەرىنە جەرىن الىپ جاتقانى تۋرالى ويىن ءبىلدىردى.

“قىتايعا قازاق جەرىنە قولىن تيگىزبەۋ كەرەك. شىعىس قازاقستاندا جەر ساتىپ الىپ، قۇس فابريكاسىن سالامىز دەدى. قاي دامىعان مەمكەلەت بولسىن، ەشقاشان ءوزىنىڭ تاماق يندۋسترياسىن باسقا ەلگە بەرمەيدى. نەگە ءبىزدىڭ زيالىلارىمىز بۇل تۋرالى سويلەمەيدى”، - دەپ تىكەلەي ەفيرىن اياقتادى.

دايىنداعان: يلدار اديلچەنوۆ