ى.دۇكەن ۇلى اتىنداعى تاراز قالالىق مادەنيەت ۇيىندە 7 مامىر — وتان قورعاۋشىلار كۇنىنە ارنالعان مەرەكەلىك ءىس-شارا ءوتىپ، وندا وبلىس اكىمىنىڭ ءبىرىنشى ورىنباسارى بەكبولات ورىنبەكوۆ ق ر قارۋلى كۇشتەر ساربازدارى مەن ارداگەرلەرىنە قۇرمەت كورسەتتى.  

سالتاناتتى ساتتە  بەكبولات ورىنبەكوۆ ەلىمىزدىڭ تىنىشتىعىن كۇزەتىپ، باتىر بابالاردان قالعان ەرلىك اتتى مۇرانى توبەمىزگە تۋ ەتكەن بارلىق مەرەكە يەلەرىنە ىزگى تىلەگىن جەتكىزدى.

 – بۇل – ەلىمىزدىڭ قورعانىس قابىلەتىنىڭ كەمەلدەگەنىن بىلدىرەتىن ايتۋلى مەرەكە. ءبىز بۇل كۇنى ۇلى وتان سوعىسىنىڭ قاھارماندارىنا تاعزىم ەتىپ، اۋعانستان وتتى جولدارىنان وتكەن جاۋىنگەرلەردىڭ ەرلىگىن ەسە الامىز. ەلىمىزدىڭ تىنىشتىعىن، حالقىمىزدىڭ اماندىعىن قورعاپ جۇرگەن ەرلەرىمىزدى ۇلىقتايمىز. وسى ءساتتى پايدالانا وتىرىپ اسكەري قىزمەتشىلەردى، ارداگەرلەردى جانە بارشاڭىزدى وتان قورعاۋشىلار كۇنىمەن قۇتتىقتايمىن!

تاريحقا كوز سالساق، ءبىزدىڭ حالىق – جاۋىنگەر. ۇلى دالا توسىندەگى ۇلى ەلدىڭ ۇلاندارى ءوز اتامەكەندەرىن كوزدىڭ قاراشىعىنداي قورعاعان. نايزانىڭ ۇشىمەن، بىلەكتىڭ كۇشىمەن ۇلانعايىر جەردى جاۋعا ەشقاشان بەرمەگەن. بۇگىنگى كۇنى بابالارىمىزدىڭ ميراسقا قالدىرعان جەرىندە ەگەمەن ەل بار. ول – قازاقستان. سول قاھارمان ەلدىڭ ۇلتتىق اسكەري كۇشى بار. ەل تىنىش بولسا بەرەكە مەن بىرلىك ورنايدى، حالىق الاڭسىز ەڭبەك ەتىپ، تىنىش ءومىر سۇرەدى، بەيبىت ەلدىڭ ەكونوميكاسى وركەندەيدى. سوندىقتان دا جەر بەتىندەگى كەز كەلگەن مەملەكەت ءوز قارۋلى كۇشتەرىنىڭ قۋاتتى، مىقتى بولعانىن قالايدى. بۇگىندە تاۋەلسىزدىك كۇزەتىندە تۇرعان قازاقستاننىڭ قارۋلى كۇشتەرىنىڭ ايبارى ارتىپ، قۋاتى ۇلكەن كۇشكە اينالدى. ءبىزدىڭ ۇلتتىق اسكەرىمىز ەل تىنىشتىعىنىڭ ساقشىسى مەن تۇتاستىعىنىڭ كەپىلى، تاۋەلسىزدىكتىڭ مىعىم تىرەگى بولدى. اسكەر قاتارىنداعى قىزمەت جاستار ءۇشىن ەرلىك پەن ءپاتريوتيزمنىڭ تاماشا مەكتەبىنە اينالىپ وتىر. جاۋجۇرەك جاۋىنگەرلەرىمىز بەن ساربازدارىمىزدىڭ اۋەدە، جەردە، تەڭىزدە ەل تىنىشتىعىن كۇزەتۋدە. اسكەري بورىشتارىن ابىرويمەن اتقارىپ كەلە جاتىر. ءبىز ءوز ارميامىزدى ماقتان تۇتامىز، –دەدى بەكبولات سەرىكبەك ۇلى.

مەرەكەلىك شارادا جامبىل  وبلىستىق قورعانىس ىستەرى دەپارتامەنتىنىڭ باستىعى، پولكوۆنيك ەرلان جابىقبايەۆ، №81067 اسكەري ءبولىمىنىڭ كومانديرى، پودپولكوۆنيك رامازان كەنجەبايەۆ جانە №81067 اسكەري ءبولىمى كومانديرىنىڭ تاربيە جانە يدەولوگيالىق جۇمىستارى جونىندەگى ورىنباسارى، مايور جاقىپجان تۇراپوۆقا وبلىسى اكىمىنىڭ  قۇرمەت گراموتاسى تابىس ەتىلدى. سونداي-اق تاراز قالاسىنىڭ اكىمى قايرات دوسايەۆ ءبىرقاتار ق ر قارۋلى كۇشتەرىنىڭ قىزمەتكەرلەرىن قۇرمەت گراموتاسى جانە العىس حاتتارىمەن ماراپاتتادى. ولاردىڭ قاتارىندا «وڭتۇستىك» وڭىرلىك قولباسشىلىعى اسكەرلەرىنىڭ قولباسشىسى باسقارماسى، قازاقستان رەسپۋبليكاسى ۇلتتىق قاۋىپسىزدىك كوميتەتى  شەكارا قىزمەتى «وڭتۇستىك» وڭىرلىك باسقارماسى مەن وڭىردەگى اسكەري بولىمدەردىڭ قىزمەتكەرلەرى بار.

سالتاناتتى شارادا «وڭتۇستىك» وڭىرلىك اسكەرلەرى قولباسشىسىنىڭ ءبىرىنشى ورىنباسارى، شتاب باستىعى، پولكوۆنيك  ءجۇسىپوۆ اسان قۇتتىقتاۋ ءسوز سويلەپ، بۇل  مەرەكە  باتىرلىق پەن  تاباندىلىقتىڭ،  وتانسۇيگىشتىك  پەن ەلگە شەكسىز قىزمەت ەتۋدىڭ نىشانى ەكەندىگىن تىلگە تيەك ەتىپ، كەلەشەك    ۇرپاققا    دەيىن وتان  قورعاۋشىلاردىڭ   قاھارمان ەرلىكتەرى    ۇمىتىلمايتىنىن جەتكىزدى. سونىمەن قاتار ق ر قارۋلى كۇشتەرى سالاسىندا جەمىستى ەڭبەك ەتىپ كەلە جاتقان ءبىرقاتار ازاماتتارعا توسبەلگىلەر، ماقتاۋ قاعازدارمەن ماراپاتتادى.

باقىت جالعاس