ەل مەرەيىن اسقاقتاتار ۇلتتىق جوبا قازاقستان رەسپۋبليكاسىنىڭ تۇڭعىش پرەزيدەنتى، ەلباسى نۇرسۇلتان ءابىش ۇلى نازاربايەۆتىڭ 2013 جىلعى جەلتوقسانداعى № 250 وكىمىنە سايكەس جىل سايىن ەلىمىزدىڭ بارلىق وڭىرلەرىندە وتكىزىلىپ كەلەدى.
بيىلعى وڭىرلىك بايقاۋعا وبلىستىڭ اۋداندارى مەن قالالارىنان مۇناي-گاز، ەنەرگەتيكا، ءبىلىم، دەنساۋلىق ساقتاۋ، اۋىلشارۋاشىلىعى، ونەر، كاسىپكەرلىك سالالارىنان قۇرالعان 67 وتباسى وتىنىمدەرىن بەردى. بايقاۋعا كوپ بالالى وتباسىلار مەن جاس وتباسىلار بەلسەندى قاتىسۋدا.
«مەرەيلى وتباسى - 2019» ۇلتتىق بايقاۋ قورتىندىسى باس جۇلدە يەگەرى بولىپ جاڭاوزەن قالاسىنان جۇگەنبايەۆتار وتباسى تانىلدى.
وتاعاسى، جۇگەنبايەۆ سالامادين 1943 جىلى ماڭعىستاۋ وبلىسى سىعىندى اۋىلىندا دۇنيەگە كەلگەن. اتىراۋ قالاسىنداعى اۋىل شارۋاشىلىق تەحنيكۋمىن «زووتەحنيك» ماماندىعى بويىنشا بىتىرگەن. كوپ جىلدار ەرالييەۆ اتىنداعى سوۆحوزدا زووتەحنيك بولىپ ەڭبەك ەتكەن. اۋىل شارۋاشىلىعىنا قوسقان ۇلەسى ءۇشىن لەنيننىڭ تۋعانىنا 100 جىل، ماڭعىستاۋ وبلىسىنىڭ قۇرىلعانىنا 35 جىل، 50 جىل، قاراقيا اۋدانىنىڭ قۇرىلعانىنا 45 جىل ءتوس بەلگىلەرىمەن جانە بىرنەشە العىس حاتتارمەن ماراپاتتالعان.
زايىبى، بالىقبايەۆا اعيا 1944 جىلى ماڭعىستاۋ وبلىسى ورتاەسپە اۋلىندا دۇنيەگە كەلگەن. اۋىل شارۋاشىلىعى سالاسىندا قىزمەت اتقارىپ، زەينەتكە شىققان كوپ بالالى انا، «التىن القا» يەگەرى. وتاۋ قۇرعاندارىنا 57 جىل تولعان، «اۋىل شارۋاشىلىعى» سالاسىنىڭ ديناستياسى سالامادين اعامىز بەن اعيا اپامىزدىڭ وتباسى 8 بالا ءوسىرىپ، ولاردان 29 نەمەرە، 9 شوبەرە ءسۇيىپ وتىر.
«مەرەيلى وتباسى - 2019» ۇلتتىق بايقاۋ قورتىندىسى بويىنشا جەڭىمپازدارى:
باس جۇلدە – «جۇگەنبايەۆتار» وتباسى، جاڭاوزەن قالاسى؛
ءى ورىن جەڭىمپازى - «نۇرسەبەپوۆتەر» وتباسى، ماڭعىستاۋ اۋدانى؛
ءىى ورىن جەڭىمپازى - «تورلانوۆتار» وتباسى، قاراقيا اۋدانى؛
ءىىى ورىن جەڭىمپازى - «قيداسوۆتار» وتباسى، بەينەۋ اۋدانى.
«مەرەيلى وتباسى» ۇلتتىق بايقاۋى ونەگەلى قۇندىلىقتاردى جاڭعىرتۋعا جانە وتباسى مەن نەكەنىڭ جاعىمدى ۇلگىسىن تاراتۋعا، وتباسى مارتەبەسىن ارتتىرۋعا باعىتتالعان شارا. بايقاۋ جىلدىڭ باسىندا جاريالانىپ وتباسى كۇنىنە وراي قورىتىندىلانادى.
بايقاۋدى وتكىزۋدىڭ ماقساتتارى:
1) وتباسى ينستيتۋتىن، ادامگەرشىلىكتى، رۋحانيلىقتى نىعايتۋ، ەرلى-زايىپتىلىقتىڭ ماڭىزىن تانۋ؛
2) اتا-انالاردىڭ بالا تاربيەلەۋدەگى جاۋاپكەرشىلىگىن ارتتىرۋ؛
3) وتباسىلىق قۇندىلىقتاردى، كامەلەتكە تولعان بالالارىنىڭ ەڭبەككە قابىلەتسىز جانە ەگدە جاستاعى اتا-انالارىنا قامقور بولۋىن دارىپتەۋ، جانە كەڭىنەن ناسيحاتتاۋ؛
4) قازاقستاندىق وتباسىنىڭ جاعىمدى ءيميدجىن ناسيحاتتاۋ.
اتالعان بايقاۋ بيىل التىنشى رەت وتكىزىلۋدە. 2015 جىلى وبلىستىق كەزەڭنىڭ جەڭىمپازى اتانعان، 12 بالا، 46 نەمەرە، 41 شوبەرە تاربيەلەپ وتىرعان باقىتتى وتباسى قۇلسارييەۆتەر رەسپۋبليكالىق بايقاۋدىڭ گران پري يەگەرى اتانعان بولاتىن.
وتباسىعا ماراپات رەتىندە ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى گۇلشارا ءابدىقالىقوۆانىڭ قولىنان ارنايى ەستەلىك ءمۇسىن، «مەرەيلi وتباسى» ۇلتتىق بايقاۋى جەڭىمپازىنىڭ ديپلومى مەن قازاقستاندا شىعارىلعان IVECO شاعىن اۆتوبۋسىنىڭ كىلتى تابىستالعان ەدى.
پىكىر قالدىرۋ