مادەنيەت جانە ونەر قىزمەتكەرلەرىنىڭ كاسىبي مەرەكەسىنە وراي جامبىل وبلىسىنىڭ اكىمى اسقار مىرزاحمەتوۆ سالا قىزمەتكەرلەرىن قابىلداپ،  قۇرمەت كورسەتتى. جاڭادان اشىلعان «داڭق» زالىندا وتكەن سالتاناتتى جيىندا ايماق باسشىسى   وبلىستىڭ رۋحاني دامۋىنا مادەنيەت سالاسى قىزمەتكەرلەرىنىڭ دە قوسىپ وتىرعان ۇلەسى قوماقتى ەكەنىن ايتا كەلىپ، الداعى جوسپارلارىمەن ءبولىستى.

اسقار يسابەك ۇلى  بيىل وبلىستىڭ 80 جىلدىعىنا وراي ءوڭىردىڭ تاريحىنان، ادەبي -مادەني ومىرىنەن سىر شەرتەتىن 80 توم كىتاپ شىعارىلاتىنىن، 31 مىڭ جادىگەر ساقتالعان وبلىستىق مۋزەيگە باسقا كەڭ ورىن قاراستىلاتىنىن، اباي اتىنداعى جامبىل گۋمانيتارلىق كوللەدجىنىڭ مۇمكىندىگىن كەڭەيتۋ ەسەبىنەن مۋزىكالىق، اكتەرلىك باعىتقا بەيىم ونەرلى جاستارعا قولداۋ كورسەتىلەتىنىن ايتتى.                                                     

–  قازاق حاندىعىنىڭ تاريحىن كورسەتەتىن كەشەن سالۋدى، اۋليەاتاعا ەسكەركىش ورناتۋدى، «رۋحانيات» ورتالىعىنىڭ دا مۇمكىندىگىن كەڭەيتۋدى ويلاپ وتىرمىز. الاش ارىستارىن ارداقتاۋ، ت.رىسقۇلوۆتىڭ رۋحىنا لايىقتى  قۇرمەت جاساۋ جوسپاردا بار. جامبىل جابايەۆتىڭ قۇرمەتىنە مۇراجاي اشۋ ءىسى دە كەزەك كۇتتىرمەيدى. جىر الىبىنىڭ قۇرمەتىنە «جامبىل – مەنىڭ جاي اتىم، حالىق – مەنىڭ شىن اتىم» رەسپۋبليكالىق ايتىسىن وتكىزۋ داستۇرگە اينالدى. ول وبلىستا ايتىس ونەرىنىڭ دامۋىنا جول اشاتىن بولادى. مادەنيەتتىڭ باسقا سالالارىنا دا قولداۋ كورسەتە بەرەمىز. سىزدەردى مەركەلەرىڭىزبەن تاعى دا شىن كوڭىلدەن قۇتتىقتايمىن، -دەدى وبلىس اكىمى ا.مىرزاحمەتوۆ.         

سالتاناتتى ساتتە  اسقار يسابەك ۇلى ۇزدىك قىزمەتكەرلەرگە ماراپاتتار تابىستادى. اتاپ ايتقاندا، وبلىس اكىمىنىڭ قۇرمەت گراموتاسىمەن وبلىستىق تاريحي-ولكەتانۋ مۋزەيىنىڭ ديرەكتورى سەيىتجان ءىلياس، مۋزەي ديرەكتورىنىڭ ورىنباسارى زارينا دۇكەنبايەۆا مەن اتالمىش مۋزەيدىڭ ءبولىم مەڭگەرۋشىسى ىڭكار كازمادياروۆا ماراپاتتالدى. تاعى 12 ادامعا مادەنيەت جانە ونەر سالاسىنىڭ دامۋىنا قوماقتى ۇلەس قوسقانى ءۇشىن، مادەنيەت قىزمەتكەرلەرىنىڭ كاسىبي مەرەكەسىنە وراي 12 ادامعا وبلىس اكىمىنىڭ العىس حاتى مەن 200 مىڭ تەڭگە كولەمىندە سىياقى سەرتيفيكاتى تاپسىرىلدى.          

ولاردىڭ قاتارىندا قاتارىندا  قازاقستاننىڭ ەڭبەك سىڭىرگەن قايراتكەرى، ق ر «دوستىق»، «پاراسات»، «قۇرمەت» وردەندەرىنىڭ يەگەرى، كۇيشى-كومپوزيتور ءابدىمومىن جەلدىبايەۆ، «ەرەن ەڭبەگى ءۇشىن» مەدالىنىڭ يەگەرى، مادەنيەت قايراتكەرى، مادەنيەت سالاسىنىڭ ارداگەرى الىبەك امزە ۇلى، ءال-فارابي اتىنداعى بايزاق اۋداندىق مادەنيەت ءۇيىنىڭ ادىسكەرى قاسقىرباي نارباتىر، كىتاپحانا سالاسىنىڭ ارداگەرى مەيرامكۇل ىسقاق، بايزاق اۋدانى مەملەكەتتىك ءارحيۆىنىڭ ديرەكتورى ءمارزيا ەركەبۇلانوۆا، وبلىستىق قازاق دراما تەاترىنىڭ ءارتىسى جاندار قىرىقبايەۆ، وبلىستىق ورىس دراما تەاترىنىڭ ءارتىسى ەلەنا كوزاچەنكو، ش.ءۋاليحانوۆ اتىنداعى امبەبەپ عىلىمي كىتاپحاناسىنىڭ ءبولىم مەڭگەرۋشىسى ك.ازىربايەۆ اتىنداعى وبلىستىق فيولارمونيانىڭ ءارتىسى تورعىن ورىنبايەۆا، وبلىستىق كينو ورتالىعى ديرەكتورىنىڭ ورىنباسارى جەڭىسبەك قالمىرزايەۆ، تاريحي-مادەني ەسكەرتكىشتەردى قورعاۋ جانە قالپىنا كەلتىرۋ ديرەكسياسى ديرەكتورىنىڭ ورىنباسارى ساۋران قالييەۆ بار.

جۇزدەسۋدە  قازاقستاننىڭ ەڭبەك سىڭىرگەن قايراتكەرى ءابدىمومىن جەلدىبايەۆ، مادەنيەت قايراتكەرى الىبەك امزە ۇلى، بايزاق اۋدانىنىڭ قۇرمەتتى ازاماتى قاسقىرباي نارباتىر ءسوز سويلەپ، وبلىستىڭ مادەني ومىرىندەگى جەتىستىكتەرگە توقتالىپ، سالا قىزمەتكەرلەرىنە قۇرمەتى ءۇشىن وبلىس اكىمىنە العىستارىن ءبىلدىردى.       

سونداي-اق بۇل كۇنى «داڭق» زالىن سالۋعا قاتىسقان قۇرىلىسىشلار دا وبلىس باسشىسىنىڭ العىس حاتىنا يە بولدى.

باقىت جالعاس