بەلگىلى كاسىپكەر احمەتبەك نۇرسيلانىڭ اناسى كەلمەس ساپارعا اتتاندى دەپ حابارلايدى Qamshy.kz اقپارات اگەنتتىگى.

احمەتبەك نۇرسيلا — كاسىپكەر، العاشقى ءقازاقتىلدى بيزنەس-ترەنەرلەردىڭ ءبىرى. «شۆابسكيە كولباسكي” شۇجىق كومبيناتىنىڭ يەسى. “اسىل اعاش” (“Heaven House`) ساۋدا ماركاسىمەن پاۆلودارداعى جيھاز فابريكاسىن بانكروت بولىپ جاتقان جەرىنەن كوتەرگەن بيزنەسمەن. 2001 جىلى قازاقستان پرەزيدەنتى جانىنداعى كاسىپكەرلەرلەر كەڭەسىنىڭ مۇشەسى بولعان. “سارجايلاۋ” قىمىز شۇبات ءوندىرىسى كومپانياسىنىڭ يەسى جانە باس ديرەكتورى. سەمەي-تەرى تون تىگۋ كومبيناتىنىڭ نەگىزىن قالاۋشى. ءۇرجار ەت كومبيناتىن بانكروتتىقتان كوتەردى. «پەستيسيدى» ج ش س تىڭايتقىشتار ساتاتىن كومپانيانىڭ اكسيونەرى.

بىرنەشە بيزنەس-جوبانىڭ نەگىزىن قالاپ، جۇزەگە اسىرعان قازاق كاسىپكەرى احمەتبەك نۇرسيلا — سوڭعى جىلدارى ينتەرنەت-اۋديتوريا، اسىرەسە، Facebook قولدانۋشىلارى ءۇشىن جاقسى تانىس تۇلعا. ءقازىر "بيزنەس باستاۋ"  اتتى جاس كاسىپكەرلىك مەكتەبىنىڭ يەسى.  

"مەنىڭ انام - بالاسى جاقسى انالار، ەشقاشان قارتايمايدى!

مەنىڭ انام بيباتي—ومىرگە 15 بالا اكەلگەن باتىر انا! ول بالالاردى اتتىڭ جالى، تۇيەنىڭ قومىندا ءجۇرىپ تاپتى دەسە بولادى. اكەي مارقۇم ءبىر انادان جالعىز ەدى، انام قانداي جاعدايدا بولماسىن سەرىكتەسى بولدى، ءومىردىڭ بارلىق ىستىق-سۋىعىندا قاسىندا بولدى. جاس كەزدەرىندە قىتايدا تۇرعاندا اكەي قىزمەتكەر بولدى، انامىز قاسىنا ەرىپ، سارىسۇمبەدە بولدى. ەلگە كەلگەن سوڭ اكەي مالشى بولۋعا ءماجبۇر بولدى، انامىز بالالارىن ارقالاپ، جەتەلەپ جءۇرىپ تاماعىن ءپىسىرىپ، كيىمىن جۋىپ قاسىندا بولدى. 

«اناسى بار ادامدار ەشقاشان قارتايمايدى» دەگەن ولەڭدى، شەشەم كەيدە «بالاسى جاقسى انالار، ەشقاشان قارتايمايدى» دەپ وزگەرتىپ ايتىپ وتىرادى. ومىردە نە ىستەسەك تە، انالارىمىزدى قۋانتىپ جۇرەيىك، ودان ارتىق قۋانىش جوق بولار سانالى ادام بالاسىنا!" دەپ جازعان ەدى احمەتبەك نۇرسيلا اناسى تۋرالى.

Qamshy.kz اقپارات اگەنتتىگى احمەتبەك نۇرسيلانىڭ اناسىنىڭ قازاسىنا قايعىرا وتىرىپ، كوڭىل ايتادى.