اقتاۋ قالاسىندا ءۇش بالاسىن ساتپاق بولعان ادامنىڭ جازباسى جارناما سايتىندا جارىق كورگەن. جازبادا ءۇش ەر بالانىڭ قۇنى 100 ملن تەڭگە دەپ كورسەتىلگەن دەپ حابارلايدى Qamshy.kz اقپارات اگەنتتىگى تۋمبا سايتىنا سىلتەمە جاساپ. 

ەرەكشە جارنامانى ەڭ العاش بولىپ جەرگىلىكتى تۇرعىنداردىڭ ءبىرى بايقاعان. جارناما ماتىنىندە بالالاردى ارزانعا بەرەتىنىن ايتىپ، ءۇش ۇل بالانىڭ (بەت-جۇزدەرى جاسىرىلعان) سۋرەتىن جۇكتەپتى. وسىدان كەيىنگى ءماتىن مازمۇنى ساتىلاتىن ءۇي تۋراسىنا اۋىسادى. جارناما كۇندىز ساعات 13:18-دە ۇيالى تەلەفوننان جاريالانعان. قىزىققان ازاماتتار كورسەتىلگەن نومەرگە قوڭىراۋ شالعاندا، بۇل ءنومىر بايلانىستان تىس بولىپ شىقتى. 

جۋرناليستەر جەدەل تۇردە پوليسياعا حابار بەرگەن. ال جەدەل ىسكە كىرىسكەن قۇقىق قورعاۋ قىزمەتكەرلەرى جۇكتەگەن جەلى قولدانۋشىسى ازىلدەگەن بولۋى كەرەك دەگەن ءتۇيىن شىعارىپتى. 

پوليسەيلەردىڭ بولجامىنشا، اتالمىش جازبانى شىمكەنت تۇرعىنى جاريالاعان. ءىس ناسىرعا شاۋىپ بارا جاتقاندا جۇكتەگەن ازامات ءوزىنىڭ اككاۋنتىن ءوشىرىپ تاستادى. ءبىراق بۇل كەزدە ق ر قك 12-بابى بويىنشا "ادام ساۋدالاۋ" ايىبىمەن قىلمىستىق ءىس قوزعالىپ، تەرگەپ-تەكسەرۋ امالدارى باستالىپ كەتكەن ەدى. 

اۋدارعان: ادىلەت مادەنيەت