23 مامىر كۇنى يندەر اۋدانىنىڭ ەسبول جانە بودەنە ەلدى مەكەنىندە مادەني نىساندار ءوز جۇمىسىن باستادى. جاڭا نىساندار «تەڭىزشيەۆرويل» ءجشس-نىڭ «يگىلىك» ەرىكتى الەۋمەتتىك ينفراقۇرىلىم باعدارلاماسى اياسىندا سالىنعان. نىسانداردىڭ اشىلۋ سالتاناتىنا اتىراۋ وبلىسى اكىمىنىڭ ورىنباسارى نۇرلان تاۋبايەۆ، «تەڭىزشيەۆرويل» ءجشس-نىڭ باس مەنەدجەرى اسەت قۇرمانبايەۆ، وبلىستىق قوعامدىق كەڭەسىنىڭ ءتوراعاسى مۇرات وتەشوۆ، يندەر اۋدانىنىڭ اكىمى مەيىرىم قالاۋي جانە اۋىل تۇرعىندارى مەن ارداگەرلەرى قاتىستى.
-ەلىمىز ەگەمەندىك العان كۇننەن باستاپ تۇڭعىش پرەزيدەنت ن. نازاربايەۆ ەڭ ءبىرىنشى الەۋمەتتىك سالالارعا كوڭىل ءبولىپ، حالىقتىڭ جاعدايىن جاقسارتۋعا دەن قويدى. بۇگىنگى سالتاناتتى شارا وسى باستامانىڭ ءبىر كورىنىسى بولىپ وتىر.وسى عيماراتتى سالۋعا دەمەۋشىلىك جاساعان كومپانيا مەن مەردىگەر مەكەمەگە العىس بىلدىرەمىز،- دەيدى وبلىس باسشىسىنىڭ ورىنباسارى.
بۇگىن كەزەكتى نىسانداردىڭ اشىلۋىنا كۋا بولىپ وتىرمىز. نىساننىڭ سالىنۋىنا 2 جىل ۋاقىت كەتتى. بودەنە اۋىلىنداعى 200 ادامدىق جانە ەسبول اۋىلىنداعى 300 ورىندىق مادەنيەت وشاقتارى تولىقتاي قاجەتتى جابدىقتارمەن جابدىقتالعان،- دەيدى اسەت قۇرمانبايەۆ.