جاتتىعۋدان كەيىن ايگىلى قازاقستاندىق بوكسشى جۋرنالسيتەردىڭ ءبىرقاتار سۇراقتارىنا جاۋاپ بەردى. ول كىشىگىرىم سۇحباتقا اينالعان ساۋالداردىڭ جاۋابىن ورىس تىلىندە بەردى دەپ جازادى Qamshy.kz اقپارات اگەنتتىگى Zakon.kz سايتىنا سىلتەمە جاساپ. 

8-ماۋسىم كۇنى وتەتىن جەكپە-جەگىنە قىزۋ دايىندىق جۇرگىزىپ جاتقان گەنناديي گولوۆكين ءوزىنىڭ الەۋمەتتىك جەلىدەگى پاراقشاسىنا جاتتىعۋ بارىسىنان سۋرەتتەر جۇكتەدى.

جازبانىڭ استىنا "كاليفورنياداعى اشىق جاتتىعۋ. 8-ماۋسىم الىس ەمەس" دەپ جازدى.

GGG كەلەسى اپتادا كوپتەن كۇتتىرگەن جەكپە-جەگىن نيۋ-يورك قالاسىنداعى Madison Square Garden ارەناسىندا وتكىزەدى. قازاقستاندىقتىڭ قارسىلاسى – جەڭىلىس كورمەگەن، 19 جەكپە-جەگىندە 10 قارسىلاسىن نوكاۋتپەن قۇلاتقان كانادالىق بىلعارى قولعاپ شەبەرى ستيۆ روللس.

"بيللي دجو سوندورس سەنىمەن ەكى رەت كەلىسسوز جۇرگىزگەنىن ايتادى. نەگە سول جەكپە-جەك ورىن المادى؟" - دەپ سۇراق قويدى جۋرناليستەردىڭ ءبىرى.

"ءسىز سوندورس تۋرالى ايتىپ تۇرسىز با؟ ول مۇلدە نازار اۋدارۋعا تۇرمايدى. كوپتىڭ اراسىنان سوندورسقا ەرەكشە نازار اۋدارامىن دەپ ايتا المايمىن. مەن ايتقانداي، بۇل سياقتى «ماسسالاردىڭ» بارلىعى كەزەكتە تۇرسىن. ەگەر كىمدە كىم شىنىمەن جۇدىرىق تۇيىستىرگىسى كەلسە، مەن ونىمەن جۇدىرىقتاسامىن. ءبارى ءوز كەزەگىن كۇتسىن!" - دەپ جاۋاپ بەردى گولوۆكين.

اۋدارعان: ادىلەت مادەنيەت