تەگەران قالاسىنىڭ بۇرىنعى مەرى موحامماد الي نادجافي ءوز ايەلىن اتىپ ولتىرگەنىن مويىندادى دەپ حابارلايدى Qamshy.kz اقپارات اگەنتتىگى Fars سايتىنا سىلتەمە جاساپ.
"نادجافي جۇبايىنىڭ ولىمىنە ءوزى كىنالى ەكەنىن مويىندادى. ونىڭ مۇنداي قىلمىسقا بارۋىنا وتباسىلىق كيكىلجىڭدەر سەبەپ بولعان"، - دەپ مالىمدەدى پروكۋراتۋرا وكىلى موحامماد شارياري.
پروكۋراتۋرا وكىلىنىڭ ايتۋىنشا، بۇرىنعى قالا مەرى قۇقىق قورعاۋ ورگاندارىنا ءوز ەركىمەن بەرىلدى.
سۋرەتتە: موحامماد الي نادجافي ايەلىمەن
ەستەرىڭىزگە سالا كەتەيىك، كەشە يران باق-دا تەگەران قالاسىنىڭ ەكس-مەرى، يران پرەزيدەنتىنىڭ ەكونوميكالىق ماسەلەلەر جونىندەگى ەكس-كەڭەسشىسى موحامماد الي ءنادجافيدىڭ ايەلى تەگەران قالاسىنىڭ سولتۇستىگىندەگى قىمبات ساياجايلاردىڭ بىرىندە ولتىرىلگەنى تۋرالى اقپارات تاراعان ەدى.
اۋدارعان: داۋرەن سىبانباي
