قوستاناي وبلىسى بويىنشا دەپارتامەنتى قۇرامىندا كاننابيستىك توپ ەسىرتكى قۇرالدارىنىڭ زاڭسىز اينالىمىنا قاتىسى بار ازامات ا. چيگاركين جانە ۆ. بوندۋروۆسكيي بولعان ناركوتوپتىڭ زاڭسىز ارەكەتىن انىقتاپ، جولىن كەستى دەپ حابارلايدى Qamshy.kz اقپارات اگەنتتىگى ۇقك باسپا ءسوز قىزمەتىنە سىلتەمە جاساپ.

اتاپ ايتقاندا، 2018 جىلعى 19 قاراشادا سالماعى 19 كگ 230 گر. «ماريحۋانا» ەسىرتكى قۇرالىن وتكىزۋ كەزىندە ۆ. بوندۋروۆسكيي ۇستالدى. جاۋاپ الۋ بارىسىندا ۇستالعان ادام كىناسىن موينىنا الىپ، ەسىرتكىنى ا. چيگاركيننەن العانىن ايتتى.

2018 جىلعى 20 قاراشادا ا. چيگاركيندى انىقتاۋ جانە ۇستاۋ بويىنشا جەدەل-ىزدەستىرۋ ءىس-شارالارى جۇرگىزىلىپ، ودان سونداي-اق سالماعى 3 كگ 721 گر. «ماريحۋانا» ەسىرتكى قۇرالى الىندى.

ناتيجەسىندە الىنعان ەسىرتكىنىڭ جالپى سالماعى 22 كگ 951 گر. قۇرادى.

2019 جىلعى 6 مامىردا قوستاناي وبلىسى بويىنشا مامانداندىرىلعان اۋدانارالىق قىلمىستىق ىستەر بويىنشا سوتىنىڭ ۇكىمىمەن ا. چيگاركين ق ر قك 296-بابى 4-ب. جانە 297-بابى 3-ب. بويىنشا كىنالى دەپ تانىلىپ، 13 جىلعا باس بوستاندىعىنان ايىرۋعا، ۆ. بوندۋروۆسكيي ق ر قك 297-بابى 3-ب. بويىنشا 10 جىلعا باس بوستاندىعىنان ايىرۋعا سوتتالدى.

ۇسىنعان: يلدار اديلچەنوۆ