كەشە وبلىس اكىمى توراعالىعمەن اگروونەركاسىپتىڭ دامۋى بويىنشا كەڭەيتىلگەن وتىرىس ءوتتى. ايماق باسشىسى ەرالى توعجانوۆ ءوز سوزىندە «اۋىل شارۋاشىلىق سەكتورىن دامىتۋ ەل ۇكىمەتىنىڭ الدىمىزعا قويعان نەگىزگى تاپسىرمالارىنىڭ ءبىرى. كەزىندە بابالارىمىزدىڭ اتا كاسىبى بولعان ەگىن جانە مال شارۋاشىلىعىن جاقسىلاپ قولعا الساق، كيەلى ماڭعىستاۋ جەرىندە دە مۇمكىندىك مول. 
سوندىقتان بۇل سالانى دامىتۋ بويىنشا جۇمىستار جۇيەلى تۇردە جۇرگىزىلۋى ءتيىس. وتكەن جىلدان بەرى وڭىردەگى 61ەلدى-مەكەندى تۇگەل ارالاپ، ارنايى بارۋداعى باستى ماقساتىم اۋىلداعى اعايىنمەن جۇزدەسىپ، ماسەلەسىن ءوز اۋىزدارىنان ەستۋ جانە ونىڭ شەشۋ جولدارىن قاراستىرۋ» دەدى. ماڭعىستاۋ وبلىسى اكىمى اپپاراتىنىڭ باسشىسى نۇرلان تاجىبايەۆتىڭ مالىمەتىنشە، 2017-2018 جىلدارى وبلىس اكىمى تاراپىنان بەرىلگەن تاپسىرمالاردى ورىنداۋ بارىسىندا 572 شاقىرىم سۋمەن قامتۋ، 786 شاقىرىم گازبەن قامتۋ جانە 595،8 كم ەلەكتر جەلىلەرىنىڭ قۇرىلىسى، 71 شاقىرىمعا جۋىق اۋىلىشىلىك جول سالىنىپ پايدالانۋعا بەرىلدى (2017-46،6 كم، 16 اۋىل، 2018-24،2 كم، 9 اۋىل). 
ناتيجەسىندە 5 اۋىل نەمەسە وسى اۋىلداردىڭ 60 مىڭنان استام تۇرعىنى ساپالى ينجەنەرلىك ينفراقۇرىلىممەن قامتىلدى. قازىرگى تاڭدا اۋىلداردىڭ ەلەكترمەن قاتىلۋى – 100%، گازبەن قاتىلۋى – 99،8%، ورتالىقتاندىرىلعان اۋىز سۋمەن قاتىلۋى – 69% قامتىدى (2018 جىلدىڭ باسىنا 64%، حالىق سانىنا شاققاندا - 85%). اعىمداعى جىلى جالپى قۋاتى 418 شاقىرىم بولاتىن سۋ جەلىلەرى بويىنشا 20 جوبانىڭ قۇرىلىسى جۇرگىزىلۋدە. 
وسى جوبالاردى ىسكە قوسۋ ارقىلى جىل سوڭىندا اۋىلداردى اۋىز سۋمەن قامتۋ كورسەتكىشىن 75%-كە جەتكىزۋ جوسپارلاندى (حالىق سانىنا شاققاندا - 93%). وبلىستىق اۋىل شارۋاشىلىعى باسقارماسىنىڭ باسشىسى سەرىك قالدىعۇل ايماقتاعى اۋىل شارۋاشىلىق سالاسى بويىنشا باياندادى. 2018 جىلدىڭ قاڭتار-جەلتوقسان ايى بويىنشا جالپى ءونىم كولەمى – 16،6 ملرد تەنگەنى (ونىڭ ىشىندە مال شارۋاشىلىعى – 12،9 ملرد.تگ، ەگىن شارۋاشىلىعى – 2،9 ملرد.تگ) نكي – 104،4% (ناقتى كولەم يندەكسى) قۇراعان.
ال، 2019 جىلى اۋىل شارۋاشىلىعىنىڭ جالپى ءونىم كولەمى 18 ملرد تەڭگە ناقتى يندەكس كولەمى -104،6% قۇرايدى دەپ جوسپارلانۋدا. سوڭعى دەرەكتەرگە سايكەس، وبلىستاعى 4 تۇلىك مال باسىنىڭ سانى 803 000، قۇس سانى 46000 باسقا جەتىپ، الدىڭعى جىلدىڭ كورسەتكىشىمەن سالىستىرعاندا 9،3% ارتقان. «جالپى وبلىستا 2081 شارۋا جانە فەرمەر قوجالىقتارى جانە 59 000 ءۇي شارۋاشىلىقتارى تىركەلگەن. 
اۋىل شارۋاشىلىعىن دامىتۋ جانە شارۋا قوجالىقتارعا قارجىلىق قولداۋ كورسەتۋ ماقساتىندا «اۋىل شارۋاشىلىعىن قارجىلاي قولداۋ قورى» اق ارقىلى 2018 جىلى 233 اۋىل شارۋاشىلىعى سۋبەكتىسىنە 952،5 ملن.تەڭگە مولشەرىندە، «اگرارلىق نەسيە كورپوراسياسى» اق ارقىلى 117 اۋىل شارۋاشىلىعى سۋبەكتىسىنە 1،45 ملرد.تەڭگە مولشەرىندە، نۋركاپيتال باعدارلاماسى بويىنشا 4 اۋىل شارۋاشىلىعى سۋبەكتىسىنە 76 ملن.تەڭگە مولشەرىندە ميكرونەسيە بەرىلدى. 
سونداي-اق، «ماڭعىستاۋاگروسەرۆيس» ج ش س ارقىلى 32 اۋىل شارۋاشىلىعى سۋبەكتىسىنە 114،3 ملن.تەڭگە مولشەرىندە ليزينگكە (تاۋارلىق نەسيە) بەرىلدى. وبلىسىمىزدىڭ تابيعي ەرەكشەلىگىنە بايلانىستى، ەگىن شارۋاشىلىعىن دامىتۋداعى نەگىزگى شەشىم - جىلىجاي سانىن ارتتىرۋ. 2018 جىلى وڭىردەگى جىلىجايلاردىڭ جالپى كولەمى 24 گا، ال، 2019 جىلدىڭ 1 توقسانى بويىنشا 27،4 گا قۇراپ وتىر. بيىل جالپى جىلىجايلار كولەمىن 31 گا (29%) ۇلعايتا وتىرىپ، 2022 جىلعا قاراي بۇل كورسەتكىشتى 3 ەسەگە دەيىن جەتكىزۋ جوسپارلانۋدا. ال، اۋىل شارۋاشىلىعى ونىمدەرىن قايتا وڭدەۋمەن اينالىساتىن 29 كاسىپورىن جۇمىس ىستەپ تۇر» دەدى، سەرىك قالدىعۇل.
جيىن سوڭىندا وبلىس اكىمى قالا جانە اۋدان اكىمدەرىنە وبلىستىق ستاتيستيكا مەكەمەسىمەن بىرگە اۋىل شارۋاشىلىعى سالاسىنداعى جۇمىس جاساپ تۇرعان شارۋا قوجالىقتارى مەن كاسىپورىنداردىڭ ناقتى سانىن انىقتاۋدى، سونىمەن قاتار اۋىل شارۋاشىلىعى ماقساتىندا پايدالانۋعا بەرىلگەن جەر ۋچاسكەلەرىنىڭ كولەمىن نورماتيۆكە سايكەستەندىرۋ شارالارىن الۋدى تاپسىردى. سونىمەن قاتار وڭىردەگى اگروونەركاسىپتى كەشەندى تۇردە دامىتۋ ءۇشىن سالا ماماندارىمەن بىرلەسە وتىرىپ، ۇسىنىس ازىرلەۋگە شاقىردى.
