الماتى وبلىسىندا مەكتەپ ءبىتىرۋشى تۇلەكتەر جول اپاتىنا ءتۇستى دەپ حابارلايدى Qamshy.kz اقپارات اگەنتتىگى zakon.kz سايتىنىڭ مالىمەتىن نەگىزگە الا وتىرىپ.

وقيعا 25-مامىر كۇنى "الماتى – تالدىقورعان" تاس جولىنداعى بالپىق بي جانە باقتىباي ەلدى-مەكەندەرىنىڭ ارالىعىندا بولدى.

دارىگەرلەردىڭ ايتۋىنشا، 2001-2002 جىلدارى تۋىلعان ءتورت وقۋشى اۋرۋحاناعا جاتقىزىلعان. ولاردىڭ ۇشەۋى ءبىر مەكتەپتىڭ تۇلەكتەرى ەكەن. كولىك تىزگىنىندە تۇلەكتەردىڭ ءبىرى بولعان. ناۋقاستاردىڭ ەكەۋى جان ساقتاۋ بولىمىندە. بىرەۋىنىڭ جاعدايى وتە ناشار، ارنايى اپپارات كومەگىمەن عانا تىنىس الىپ جاتىر. ونىڭ مويىن ومىرتقاسى سىنىپ، جۇلىنىنا زاقىم كەلگەن.

"ومىرتقاسى قالپىنا كەلدى. ءبىراق ازىرگە ەشقانداي ناتيجە جوق. ناۋقاستىڭ ءحالى مۇشكىل. ەكىنشىسىنىڭ سان سۇيەكتەرى مەن توبىقتارى سىنعان. جاقىن ارادا وتا جاساۋ ءۇشىن وبلىستىق اۋرۋحاناعا اۋىستىرۋدى جوسپارلاپ وتىرمىز"، - دەدى كوكسۋ اۋداندىق اۋرۋحاناسىنىڭ دارىگەرى شىڭعىس راحيموۆ.

جەڭىل جاراقات العان ەكى تۇلەك ۇيلەرىنە قايتارىلدى.

"جول اپاتىنا ۇشىراعان بالالاردىڭ ۇشەۋى ءبىزدىڭ بيىلعى تۇلەكتەرىمىز. ولار دەنساۋلىق جاعدايلارىنا بايلانىستى بارلىق ەمتيحانداردان بوساتىلدى"، - دەدى ەركىن اۋىلىنداعى № 11 مەكتەپتىڭ ديرەكتورى گۇلبارشىن بەيسەكەنوۆا.

وقي وتىرىڭىز:

♦گەلەندۆاگەن تاقىمداعان بولاشاق وفيسەرلەر ەل ءىشىن شۋلاتتى(ۆيدەو)

اۋدارعان: داۋرەن سىبانباي