«اۋىل شارۋاشىلىعىن قارجىلاي قولداۋ قورى» اق ماڭعىستاۋ فيليالىنىڭ ديرەكتورى  مۇرات بايماعامبەتوۆتىڭ ايتۋىنشا، 2019 جىلعا وبلىسقا قارالعان 1 244 089،0 تەنگەنىڭ 746 453 400،0 تەنگەسى «اۋىل شارۋاشىلىعىن قارجىلاي قولداۋ قورى» اق ماڭعىستاۋ فيليالى ارقىلى نەسيەلەنەتىن بولادى.

وتكەن جىلى اتالعان باعدارلاما بويىنشا وبلىسقا بولىنگەن 1 244 089،0 تەنگەنىڭ 821 837 200،0 تەنگەسى 210 نەسيە الۋشىعا قور ارقىلى بەرىلدى. بۇدان بولەك باسقا دا باعدارلامالار ارقىلى 23 ادامعا قوسىمشا 130 750 000،0 تەڭگە شاعىن نەسيە بەرىلدى. 2018 جىلى بارلىعى 233 كاسىپكەرگە 952 587 200،0 تەنگە بەرىلدى. وبلىس بويىنشا قوسىمشا 335 جۇمىس ورىنى اشىلىپ وتىر.

جالپى، 2019 جىلى شاعىن نەسيەگە بارلىعى 944 302000،0 تەنگە قارالعان. بۇل قاراجاتپەن 262 كاسىپكەرلىك سۋبەكتىلەرىن قامتاماسىز ەتۋ جوسپارلانعان. نەسيە جىلدىق 6%، 84 ايعا دەيىن بەرىلەدى. نەسيە كولەمى، مەرزىمى قوردىڭ نەسيەلەۋ شارتتارىنا سايكەس جۇرگىزىلەتىن بولادى.

باعدارلاما اكىمشىلىگى وبلىستىق اۋىل شارۋاشىلىعى باسقاراماسى جانە وبلىستىق اكىمدىكپەن قور اراسىنداعى ءۇش جاقتى نەسيەلەۋ شارتى جاساقتالدى. باعدارلاماعا قاتىسۋشىلاردان وتىنىشتەر قابىلداۋى باستالدى. بۇگىنگە 67 150 000 تەنگە بولاتىن 18 ءوتىنىش قابىلداندى.

بۇدان بولەك، وتكەن جىلدارى بەرىلگەن نەسيەنىڭ قايتارىم قاراجاتى ەسەبىنەن 31 كاسىپكەرگە 118 097 000،0 تەڭگە بەرىلدى.