گەلەندۆاگەن تاقىمداعان بولاشاق وفيسەرلەردىڭ ارەكەتى داۋعا ۇلاستى، دەپ حابارلايدى Qamshy.kz اقپارات اگەنتتىگى كتك تەلەارناسىنا سىلتەمە جاساپ.

اسكەري مەكتەپتەن ۆيپ-كورتەجبەن شىققان تۇلەكتەردىڭ ۆيدەوسى الەۋمەتتىك جەلىدە تارالىپ جاتىر. وندا جاس اسكەريلەردىڭ قانداي ارەكەت جاساعانى كورىنىپ تۇر.

بولاشاق وفيسەرلەر وسىلايشا گەلەندۆاگەن تىزگىندەگەن. بەلگىلى بولعانىنداي، قىمبات كورتەج جالداعاندار الماتىداعى باۋىرجان مومىش ۇلى اتىنداعى جاس ۇلان اسكەري مەكتەبىنىڭ بيىلعى تۇلەكتەرى ەكەن. كورتەجدە ناقتى نەشە كولىك بولعانى بەلگىسىز. ۇزىن-سونار كولىكتەر تىزبەگىن اق ءتۇستى حاممەر باستاعان. اسكەري فورما كيىپ، قىدىرۋعا شىققان تۇلەكتەر قىمبات كولىكتەردىڭ تەرەزەسىنەن جارتىلاي شىعىپ الىپتى. ايتا كەتەيىك، باۋىرجان مومىش ۇلى اتىنداعى اسكەري مەكتەپ - بولاشاق وفيسەرلەردى دايىندايتىن ساناۋلى وقۋ ورىندارىنىڭ ءبىرى. ال قورعانىس مينيسترلىگىنىڭ وكىلدەرى بۇل جايتقا قاتىستى بىلاي دەپ تۇسىنىكتەمە بەردى.

قايرات كوپبايەۆ، قورعانىس مينيسترلىگى كادرلار جانە اسكەري ءبىلىم دەپارتامەنتىنىڭ باستىعى:

"الەۋمەتتىك جەلىدە تاراعان تاسپاعا قاتىستى ءقازىر تەكسەرىپ جاتىرمىز. بۇگىن-ەرتەڭ انىقتالىپ، مەكتەپ باسشىلىعى جاۋاپقا تارتىلۋى عاجاپ ەمەس. ءبىز مويىندايمىز، كىشكەنە ءبىر قاتەلىك كەتكەن شىعار"- دەپ مالىمدەدى.

وقي وتىرىڭىز:

♦جاس تۇلەكتەر جانتۇرشىگەرلىك جول اپاتىنا ۇشىرادى (ۆيدەو)

ۇسىنعان: بەك بايتاس