16 مامىر كۇنى اقتاۋدا «كونەرگەن كەن ورىنداردى يگەرۋدىڭ احۋالى مەن بولاشاعى» اتتى حالىقارالىق عىلىمي-تاجىريبەلىك كونفەرەنسيا ءوتتى. ەكى كۇن بويى شاراعا قاتىسۋشىلار كونەرگەن كەن ورىنداردى يگەرۋدە كۇن تارتىبىندە تۇرعان ماسەلەلەردى تالقىلاپ، وڭدەۋ جۇمىستارىنىڭ تيىمدىلىگىن ارتتىرۋ ماقساتىندا زاماناۋي تەحنولوگيالاردى دامىتۋ، ەنگىزۋ جانە كەن ورىنداردى سيفرلىق جۇيەگە كوشىرۋدەگى تاجىريبەلەرىمەن ءبولىستى. كونفەرەنسيا جۇمىسىنا عىلىمي ينستيتۋتتار، ۋنيۆەرسيتەتتەر، قازاقستان، رەسەي، جۇڭگو، ءازىربايجان ەلدەرىنىڭ مۇنايگاز سالاسىنىڭ ماماندارى، سونىمەن قاتار ق ر ەنەرگەتيكا مينيسترلىگىنىڭ قىزمەتكەرلەرى، ماڭعىستاۋ وبلىسى اكىمدىگى مەن «قازمۇنايگاز» كومپانيالار توبىنىڭ وكىلدەرى قاتىستى. ۇيىمداستىرىلعان كونفەرەنسيا جۇمىسىنىڭ اياسىندا «قازمۇنايگازعزجي»-نىڭ جاڭا اكىمشىلىك عيماراتى جانە زەرتحانالىق كورپۋس اشىلدى. سالتاناتتى شاراعا «KAZENERGY» قاۋىمداستىعى ءتوراعاسىنىڭ ورىنباسارى ۇزاقباي قارابالين، ەنەرگەتيكا ءمينيسترىنىڭ ءبىرىنشى ورىنباسارى ماحامبەت دوسمۇحامبەتوۆ، ماڭعىستاۋ وبلىسى اكىمىنىڭ ءبىرىنشى ورىنباسارى ءاليحان قىراۋبايەۆ جانە «قازمۇنايگاز» ۇك» اق باسقارما ءتوراعاسىنىڭ ءوندىرىس جونىندەگى ورىنباسارى جاقىپ مارابايەۆ قاتىستى.

- «قازمۇنايگازعزجي» تاريحى ماڭعىستاۋداعى كوپتەگەن مۇناي جانە گاز كەن ورىندارىنىڭ ونەركاسىپتىك وڭدەلۋى، يگەرىلۋى جانە ىسكە قوسىلۋىمەن تىعىز بايلانىستى. كوپتەگەن كەن ورىندارىن اشۋ ءۇشىن عىلىمي-زەرتتەۋ مەن جوبالاۋ، ىزدەۋ جۇمىستارىن جۇرگىزۋ كەرەك بولدى. «قازمۇنايگازعزجي» ۇجىمى سول ماڭىزدى جۇمىستى ءقازىر دە جالعاستىرىپ كەلە جاتقانى قۋانتادى. مەنىڭ ويىمشا، وسىنداي بارلىق مۇمكىندىك قاراستىرىلعان كەڭسەدە ينستيتۋت ۇجىمى بۇدان دا ۇلكەن جەتكىستىكتەرگە قول جەتكىزەتىنىنە سەنىمدىمىن» - دەدى ۇ.قارابالين.

ءوز كەزەگىندە جاقىپ مارابايەۆ ينستيتۋتتىڭ 50 جىلدىعى قازاقستاندىق مۇناي تاريحىمەن تىعىز بايلانىستى ەكەنىن اتاپ ءوتتى. جالپى، ماڭعىشلاق مۇناي كەن ورىندارىنىڭ اشىلۋىنان بۇگىنگى كۇنگە دەيىن زەرتتەۋ جۇمىستارى جالعاسىپ كەلەدى. ينستيتۋتتىڭ عالىمدارى وسى ۋاقىتقا دەيىن قازاقستاندىق مۇناي قورىن دۇرىس يگەرۋدە ايتارلىقتاي ۇلەس قوسۋدا.