تەرگەۋ باسقارماسىنىڭ مالىمەتى بويىنشا، ق ر قىلمىستىق كودەكسىنىڭ 24-بابى، 3ء-بولىمى بويىنشا تەرگەلىپ جاتقان قىلمىستى ءىستىڭ زاتتاي ايعاعى رەتىندە ەكى كولىك – اق ءتۇستى تoyota Camry مەن قارا ءتۇستى Toyota Avensis تابىلدى.
"ەكى كولىك قۇرالى دا قىلمىستىق زەرتحانادا تەكسەرىلدى، ادام قاققانىنىڭ بەلگىسى بار. ءتيىستى ساراپتاما تاعايىندالدى. ءقازىر كولىكتەر مامانداندىرىلعان اۆتوتۇراققا قويىلدى، قىلمىس قۇرالى بولعاندىقتان ولاردى قولدانۋعا تىيىم سالىندى"، – دەدى الماتى قالالىق پد تەرگەۋ باسقارماسى باسشىسىنىڭ ورىنباسارى پوليسيا پودپولكوۆنيگى دۋمان اۋحادييەۆ.
سونداي-اق ول تۇندە پوليسيا جەدەل ءبولىمىنىڭ قىزمەتكەرلەرى الماتى وبلىسى ەڭبەكشىقازاق اۋدانىنىڭ تۇرعىنى، 1995 جىلى تۋعان ا. ەسىمدى ازامات قولعا تۇسكەنىن ايتتى. ول Toyota Camry ماركالى كولىكتى تىزگىندەگەن. ءقازىر ول ۋاقىتشا ۇستاۋ يزولياتورىندا.
"قارا ءتۇستى شەتەلدىك كولىكتىڭ جۇرگىزۋشىسى انىقتالدى. ونى ۇستاۋ – ۋاقىت ەنشىسىندە. ول ادامداردى قاققان Toyota Avensis كولىگى تابىلدى جانە تۇراققا قويىلدى. بۇل ءىس بارىسىندا تەرگەۋ جان-جاقتى جانە ءادىل جۇرگىزىلەدى"، – دەدى پودپولكوۆنيك اۋحادييەۆ.
