ەلىمىزگە بەلگىلى ءانشى، قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى، پاراسات، قۇرمەت، وردەندەرىنىڭ يەگەرى نۇرعالي ءنۇسىپجانوۆ ۇيلەندى، دەپ حابارلايدى Qamshy.kz اقپارات اگەنتتىگى.
بۇل تۋرالى قۋاندىق ەشمەت اتتى Instagram قولدانۋشىسى ءوزىنىڭ پاراقشاسىندا جازدى.
"قازاقستان رەسپۋبليكاسىنىڭ حالىق ءارتىسى نۇرعالي ءنۇسىپجانوۆ اعامىز 26 تامىز كۇنى وتاۋ تىكتى قۇتتى بولسىن اعايىن!" دەپ جازعان ول ۇيلەنۋ تويدان بىرنەشە سۋرەت جۇكتەگەن.
ۇيلەنۋ تويدان تۇسىرىلگەن سۋرەتكە قاراعاندا حالىق ءارتىسىنىڭ زايىبىنىڭ ەسىمى جادىرا.
نۇرعالي ءنۇسىپجان ۇلى الماتى وبلىسى كەربۇلاق اۋدانى دولانالى اۋىلىندا 1937 جىلدىڭ 5 قاڭتارىندا قاراپايىم شوپان وتباسىندا دۇنيەگە كەلگەن.
بۇرىنعى جارى ايگۇل ەكەۋىنىڭ بيبىگۇل، الما، داريعا، نۇرگۇل، نۇرزار اتتى قىزدارى بار.
