وعان شىعىس قازاقستان وبلىسىنىڭ اكىمى دانيال احمەتوۆ قاتىستى.
– قۇرمەتتى ۇستازدار، اتا-انالار جانە وقۋشىلار! بارشاڭىزدى 1 قىركۇيەك – ءبىلىم كۇنىمەن، جاڭا وقۋ جىلىنىڭ باستالۋىمەن قۇتتىقتايمىن. ساپالى ءبىلىم قارقىندى دامۋدىڭ، وركەنيەتتىڭ باستى شارتى. سول سەبەپتى ەل پرەزيدەنتى مەن ۇكىمەتتىڭ جۇكتەگەن مىندەتتەرىن جۇزەگە اسىرىپ، وبلىستا ءبىلىم جۇيەسى مەن ساپاسىنا ەرەكشە كوڭىل بولىنەدى. وسكەمەن قالاسىنداعى ءبىلىم بەرەتىن 50 مەكتەپتە 38 مىڭ وقۋشى جاڭا وقۋ جىلىن باستاپ وتىر. 4600 بالا ەڭ العاش مەكتەپ تابالدىرىعىن اتتاپ، 1-سىنىپقا كەلدى. بۇل مەكتەپ جاھاندانۋ داۋىرىندە جاڭا تەحنولوگيانىڭ دامۋىنا ساي، زاماناۋي ەرەكشە ءبىلىم ورداسى بولادى. بۇگىنگى كۇن – جاڭا وقۋ جىلىنا، جاڭا جەتىستىكتەر مەن تابىستارعا باستاۋ بەرەتىن كۇن. مەرەكەلەرىڭىز قۇتتى بولسىن، – دەدى دانيال احمەتوۆ.
وسكەمەندەگى بۇل ءبىلىم ورداسىندا وقۋشىلاردىڭ ساپالى ءبىلىم مەن سانالى تاربيە الۋىنا بارلىق جاعداي جاسالعان. مۇندا جابدىقتالعان جاڭا وقۋ كابينەتتەرى، ينجەنەرلىك-تەحنيكالىق باعىتتاعى ءتۇرلى ۇيىرمەلەر مەن سەكسيالار جۇمىس ىستەيتىن بولادى. سونداي-اق مەكتەپتە 100-دەن استام بىلىكتى ءمۇعالىم ساباق بەرەدى. جاڭا ءبىلىم ورداسىندا 150 وقۋشى 1-سىنىپقا قابىلداندى.
– قۇرمەتتى شاكىرتتەر، ساباقتارىڭدى جاقسى وقىپ، بىلىمدەرىڭدى تەرەڭدەتىڭدەر، اتا-انالارىڭنىڭ ماقتانىشى بولىڭدار! جاڭا ءبىلىم وشاعىنىڭ ۇجىمىنا جۇمىستارىنا تابىس پەن ساتتىلىك تىلەيمىن. ءبىلىم بەرۋ مەن جاس ۇرپاق تاربيەسىنە باسا كوڭىل بولىنەتىندىكتەن، سىزدەرگە جۇكتەلەر مىندەتتىڭ سالماعى دا باسىم، – دەدى دانيال احمەتوۆ.
بۇدان سوڭ ايماق باسشىسى "نۇر وردا" مەكتەپ-ليسەيىنە بارىپ، مۇعالىمدەر مەن وقۋشىلاردى جاڭا وقۋ جىلىنىڭ باستالۋىمەن قۇتتىقتاپ قايتتى.
پىكىر قالدىرۋ