كيپر قالاسىندا قازاقستاندىق ايەل 12 جاستاعى بالاسىن ءولتىردى دەپ جازادى Qamshy.kz اقپارات اگەنتتىگى. جاعا ۇستاتارلىق وقيعا 29 تامىزدا ورىن العان. 

قازاقستاندىق ايەل ۇلىنىڭ مويىنىن اۋىر جاراقاتتاپ، كەيىن وزىنە قول سالماق بولعان. دەگەنمەن دارىگرلەر ايەلگە جەدەل تۇردە وپەراسيا جاساپ، امان الىپ قالعان. الايدا 12 جاستاعى بالا تىلگە كەلمەي قايتىس بولىپتى. 

ايەلدىڭ 52 جاستاعى گرەك-كيپرلىك كۇيەۋى ءارى بالانىڭ وگەي اكەسى پوليسيا قىزمەتكەرى بولىپ جۇمىس ىستەيدى ەكەن. ول ۇيىنە كەلگەندە ەسىك ىشتەن جابىلعان، ول ۇيىنە كىرە الماعان. كەيىن ەر ادام كومەككە ءورت ءسوندىرۋ قىزمەتىن شاقىرعان. تەرەزە ارقىلى كىرىپ، ەدەندە قانسىراپ جاتقان ايەلىن كورگەن. 12 جاستاعى بالا توسەكتە جاتقان. ونىڭ تاماعىنا پىشاق ۇرعان.

ايەلدى پسيحياتر قاراعان، ونى Athalassa پسيحەمدەۋ كلينيكاسىنا جىبەرگەن، كەيىن ول ادام ولتىرگەنى ءۇشىن سوت الدىندا جاۋاپ بەرەتىن بولادى.  پوليسيا مالىمەتىنشە، ايەلدىڭ دەنساۋلىعى سىر بەرگەن.