ق ر ءبىلىم جانە عىلىم ءمينيسترى اسحات ايماعامبەتوۆ ءوزىنىڭ فەيسبۋكتاعى پاراقشاسىندا احمەت بايتۇرسىن ۇلىنىڭ تۋعان كۇنىندە ۇلت ۇستازىنىڭ وقۋ اعارتۋ ىسىنە سىڭىرگەن ولشەۋسىز ەڭبەگى تۋرالى جازدى، دەپ حابارلايدى Qamshy.kz اقپارات اگەنتتىگى.
"دوستار!
بۇگىن، ۇلتىمىزدىڭ ۇلى ۇستازى، قازاق الىپپەسى مەن قازاق ءتىلى وقۋلىعىنىڭ اتاسى احمەت بايتۇرسىن ۇلىنىڭ دۇنيەگە كەلگەن كۇنى.
"باسقادان كەم بولماس ءۇشىن ءبىز ءبىلىمدى، باي ءھام كۇشتى بولۋىمىز كەرەك. ءبىلىمدى بولۋعا وقۋ كەرەك. باي بولۋعا كۇش كەرەك. كۇشتى بولۋعا بىرلىك كەرەك. وسى كەرەكتەردىڭ جولىندا جۇمىس ىستەۋ كەرەك!" دەگەن احمەت بايتۇرسىنۇلىن ءبىز ءبىرىنشى كەزەكتە اعارتۋشى، پەداگوگ رەتىندە تانيمىز.
ا.بايتۇرسىن ۇلى 1895-1909 جىلدارى اقتوبە، قوستاناي، قارقارالى ۋەزىندەگى اۋىلدىق جانە بولىستىق مەكتەپتەردە ءمۇعالىم، قارقارالى قالالىق ۋچيليششەسىندە ءمۇعالىم، كەيىننەن مەڭگەرۋشىسى بولعان. ول كىسىنىڭ ءبىلىم سالاسىنا قاتىستى زەرتتەۋلەرى ارقىلى قازاق مەكتەبىن، تۇتاس ۇلتتىق وقۋ-اعارتۋ سالاسىن جاڭا ساتىعا كوتەرۋىن – ءبىز ۇمىتساق تا، تاريح ۇمىتپايدى. ول شىن مانىندە ۇلت ۇستازى، حالقىمىزدىڭ رۋحاني كوسەمى بولا ءبىلدى.
ەلىمىزدىڭ بالالارى اتامىزعا ۇقساعان ءبىلىمدى، ادامي قاسيەتى جوعارى ازامات بولىپ قالىپتاسۋلارىنا تىلەكتەسپىن!" دەپ جازادى مينيستر.
پىكىر قالدىرۋ